هالموقف طبيعي ولا

السلام عليكم
ازعجتكم بقرقرتي بس والله مالي احد افضفض له غير هالمنتدى انا م أحب اتكلم عن اللي بقلبي لناس اعرفهم وكتومه جدا عن الشي اللي يضايقني ويزعلني واذا اخذت مواقف من ناس اجلس واسولف معاهم بس برسميه بس اللي حابه أقوله موقف وأعطوني رأيكم ودي ألقى ل هاالموقف مبررر بس حساسه تجاااهه هالموقف بزياده بذات انو جاء من امي اقرب الناس لي هالشي ضايقني حيل
قبل اسبوعين صار لنا انا وزوجي وعيالي حادث واحنا راجعين من المستشفى وامي هي واخوي بالشارع الثاني جايين من مشوار وشافو سيارتنا والنَّاس حوالينا الحمدلله الخراب جاء بالسياره وزوجي جاته ضربه براسه خفيفه واخوي من شافنا حاول يرجع ويلف علينا بس مقدر واتصل ع زوجي يتطمن قاله زوجي الحمدلله مافينا شي وفهمه وارتاح وراح يرجع امي البيت وجاء عندنا اللي ضايقني امي م اتصلت ولا تحمدت لنا بالسلامه ولا اتصلت ع زوجي امي حنووووووونه حيل بس مالي نصيب من حنيتها لا انا ولا زوجي ولا عيالي لدرجة لي فتره اشك اني مو بنتها ومرات اقول وسواس من الشيطان بس افعالها والله تخلي الغريب يشك يمكن لو م شافتنا اقول يمكن م تدري بس شافت ع الأقل م قالت بتصل اسال البارح رحت لها ولا سالت ولا قالت شي مع ان اشوفها تخاف ع اخواتي وعيالهم من جيتها بس تتكلم عن ولد فلأنه وبنت اختي الثانيه وتتحضن فيهم واذا ولدت وحده من اخواتي تتصل عليها ولا تنام لين تطمن عليها عكس من ولدت انا اتصلت فيها قلت الحمدلله ولدت اقسم بالله العلي العظيم م ظلمتها قالت ايش اسوي لك؟ انا حبيت أوضح لكم عشان يمكن تقولون هاذا طبعها قاسيه انا بنتها البكر ع م يقولون والله صرت اشك اني مو بنتها بالله لو انتم مكاني تشوفون هالشي طبيعي ولا لا