السلام عليكم ورحمة الله وبركاته
مساء_صباح الخير على الجميع
في البدايه احب اشكر كل من تساعد وتعين بالمنتدى
ماشاء الله مثل الاخوات الله يسعد كل من تبي الخير
بنات هذي سالفة وحده من جاراتي الله يفرج عنها
عندها ولد في سن المراهقه وانتو عارفين هالسن
المشكله انه زودها والله يصبر اهله
هي دايم تحكي انه متعبهم وماعرفوا كيف يتعاملون معه
بعكس اخوانه بس من يومين جتني وهي زعلانه ومتضايقه
وقلت اكتب لكم قصتها تدعون لولدها وتنصحونها
مشكلة ولده الكبرى كذاب بكل ماتحتويه الكلمه
تقول اي شي اسأله عنه يكذب سهل الكذب عنده جدا
يعني مره تقول وداني لأختي اسلم عليها وزوجها كبير في السن
فقلت له لاتتأخر قال طيب
تقول راح معد رد
قفل جواله وراح يسهر مع اصحابه:(
وتخيلوا الاحراج
ولما زعلت عليه قالها انتي ماقلتي شي
الله يصبرها
ومره من المرات طلعوا لمنتزه تقول تونا مستانسين الا ويقوم اخوانه الصغار
يالا نمشي
ليش قال عشان اصحابي اتصلوا علي
يعني اهم شي عنده وناسته
وهي امه مقهوره تقول لمفروض يرحم اخوانه ويستحمل مو مهم اصحابه
والله تحكيلي عنه اشياء تشيب الراس
المشكله اخوه الي اكبر منه كان سندهم بس تزوج الله يوفقه ويرجعه لاهله سالم غانم
وابوهم مشغول ولا مسافر لمصانعه
ورافض فكره انو يستقدم سواق
وولدها الي حكيت لكم عنه بيهبل بها وبعيالها
يعني تقول ماعمره قال شي وصدق
نصحته وفهمته لا تكذب انت رجال ولا في فايده
غير كذا تقول مالي اي كلمه عليه
زي الجدار
والله تنرحمم تقول لو شغاله امكن يستحي مني
اذا طلب منها ماتقصر تقول لكن لو ماله حاجه
والله احيان اناديه ويسفهني مايرد واحيان يستهزاء بي:(
اذا عصبت عليه
لكن لو يبي فلوس اوو اي حاجه تخصه تعالي شوفيه
غير كذا يابنات سهره مع اصحابه
سواء ايام الدارسه ولا ايام الجازه
سهر كل يوم احيان يرجع الساعه 2
ودراسته الله المستعان
طبعا امكن تقولو وين ابوه
ابوه مريح نفسه ولا اهتم
وكل ما شكت له قال ولدك وماربيتيه طيب ربه انت
وهذي مشكلة اغلب الرجاجيل كل المسؤليه على الحريم
وهو اهم شي شغله
وامه الي بتحترق عشانه
تبيه يكون رجال سند وعون لها
لكن الله يصبرها
وفوق كذا خايفه على اولادها الصغار مايتأثرو من اخوهم
تبيه يكون لهم قدوه لكن ماحولها احد:(
الولد عاق وكذاب وفوق هذا لواحتاج ممكن يسرق على كلامها مره سرق فلوس منها ومايحترم امه نهائي
واناني اهم شي مصلحته ووناسته
وش تسوي وش تتعامل معه
كل كلمه تقولونها بوصلها لها
وان شاء الله اذا جتني بوريها الموضوع وبخليها تقراه
لاني استأذنتها وقالت اكتبي الي تبين
اهم شي الاقي حل:(
ولاتنسون تدعون لولدها بالهدايه والله ماقصرت تدعيله والله رؤوف رحيم له حكمه
امكن منكم مستجاب الدعوه
انتظركم الله يسعد ويوفق كل من ترد وتساعد:26:
سحابة وروود @shab_orood
عضوة فعالة
يلزم عليك تسجيل الدخول أولًا لكتابة تعليق.
ضبياا
•
الله يصلحه
جوجو18
•
الله يعينها
ولدها ماله حل الا اب يربيه واخر زمن ولد مراهق يرجع الفجر
واذا الاب مهمل باولاده طيب ولدها الكبير يساعد امه يعني مو كل واحد يتزوج ينسى اهله
والله يصبرها ويهدي ولدها
ولدها ماله حل الا اب يربيه واخر زمن ولد مراهق يرجع الفجر
واذا الاب مهمل باولاده طيب ولدها الكبير يساعد امه يعني مو كل واحد يتزوج ينسى اهله
والله يصبرها ويهدي ولدها
الله يصلحه يارب ويهديه خليها اتكلم الاستاذ الدكتور:طارق الحبيب لانه راح يفيدها بعد الله كثير
الصفحة الأخيرة