هالي اكتشفت إنهم مسوين تنزيلات .. لا يفوتكم بنات

السلام عليكم و الرحمة ..

لقيت موضوع بنات السعوديه الله يجزاهن خير يقولن مكياجي مسوي تصفيات على نوبا و ركضت اليوم اشيك ...

بنات بغيت اموت من القهر .. عنبو محد انتبه عندنا بالامارات إن نفس الشي صاير ..
يا دوب لقيت ركن صغيييييييره فيه ثلاث اربع علب و كل علبه فيها كم حبة روج و كم قلوس و فيه شادو اسود بابيض و مذكر شو بعد ...

حسافه يا بنات الالوان بااااااايخه .. بس اللهم كان باقي قلوس احمر واحد كنت بشتريه بعدين تذكرت و سالت الي تبيع قالت بيرجعون اييبون بضاعه زياده .. بس قالت تقريبا نفس الشي و نفس الالوان ما فيه تغير كبير .. فقلت امسك عمري و اشيك مره ثانيه باجر ...

و بعد ... رد ايرث يا حليلهم مسوين عروض حلوه على مجموعات محدده من الشادوز و القلوسات ... والله بنات رد ايرث الوانه كيوت و حلوه للصيف خاصه للبنوتات و التينز .. و الوان الشادوز الي عليها العرض تاخذين اثنين الواحد على 25 و الثالث مجانا ... حلووه للصيف ولو إنها مش منوعه .. و القلوسات على 19 و الوانهن محدده بس أغلبهم روعه للصيف شي ناعم و فيه بلمعه و لونهن قوي


أتمنى أكون فدتكم .. و إلي عندها فكره عن عروض و غيره يا ليت ما تبخل علينا ...