السلام عليكم ورحمة الله وبركاته
أول مره أنزل موضوع في قسم الطبخ إن شاء الله يعجبكم :)
إليوم كنت متضايقه شوي وحبيت أغير من نفسيتي فشغلت حالي في المطبخ
قبل ما أبدأ بدي اطلب منكم تدعوا لأهلي لأنهم من فتره كل شهر بطلعلهم اشي الحمد لله على كل حال :(
نيجي للهامبرجر
أول اشي حضري العجينه اللي إنت متعوده عليها أنا بعمل بعجينة العشر دقائق روعه هالعجينه بس بستخدم بدال الزيت اشي إسمه شورتنينج بخلي المعجنات طريه كتيييييير
بخلال تخمير العجينه بنحضر الحشوه واللي هي عباره عن كفته يعني لحمه مفرومه بتبهريها بهارات مشكله وملح وبصل وبقدونس مفروم وبعدين بتشكليها أقراص و بتحطي على كل قرص قطعة بندوره و- بدخليها الفرن لحتى تستوي
بعد ما تستوي وتنزل الميه اللي فيها شيليها على جنب وخليها تبرد شوي على ما تشكلي عجينتك لكور بحجم ضمة ايدك أو أصغر شوي
بتجيبي كل كوره واضغطي عليها شوي براحة ايديك وبتحطي عليها قطعة كفته ولمي كل الجوانب لفوق وبتسكريها
دهنيها بحليب ورشي عليها سمسم ودخليها الفرن على أعلى حراره لحد ما تشوفي لونها صار دهبي
وصحه وهنا :)
آ
سفه الصور مش واضحين كتير صورت بجوالي
