هامبورغر وبطاطس إبداع

السلام عليكم أخواتى الأعزاء اليوم جيبلكم طريقة هامبورغر لذيذة أنا مجمعاها يعنى لما أكون فاضية شوية ونوية أعمل صنف أقراء كل الطرق المكتوبة عنه سواءا فى الكتب اللى عندى و من الطرق اللى جيباها من النت وأجمع من كل طريقة فكرة حلوة وأعمل الصنف ده بالنسبة للهامبورغر أما البطاطس فهى منقولة من النت دون تعديل ندخل بقى فى الصنف الأول
هامبورغرى:32:
1_ نصف كيلو لحم مفروم 2 ملعقة كبيرة بقسماط ملح وفلفل أسود
2_ ثلاث ملاعق كاتشب نصف رغيف فينو منقوع فى نصف كوب لبن دافىء(طبعا عقبال ما نحضر كل المكونات تكون العيش شرب اللبن وفى أخر خطوة نطلع العيش من اللبن ونضغط عليه برفق عشان ينزل اللبن الزائداللى تشربه)

3_ رشةخفيفة من كل من(سماق وزعتر وشطة وبهارلحم و(روز مارى=أكليل الجبل أو-حصا اللبان)
4_ بصلة مفرومة مع واحد مكعب ماجى وملعقة سمنة وقطعة ثوم مفرومة على النار حتى يتشوح سريعا الثوم والبصل ونغلق النار ثم نقلب كل ما سبق مع بعضة ويشكل وحدات هامبورغر ويسوى فى الفرن.

البطاطس:o
نسلق ثلاث بطاطسات بقشرهم فى ماء ونقطة خل ويكون سواء البطاطس مظبوط لا تنهرى ولا تكون نيه ثم تطلع من النار وتقشر ثم تقطع صوابع مثل الفارم فريتس وتغمس فى(
واحد كوب دقيق وواحد كوب ماء وملح وفلفل وشطة وملعقة صغيرة بيكنج باودر وحتة ثوم مفروم وحزمة كسبرة خضراء مفرومة )يخلط الجميع ويغمس فيها البطاطس وتقلى لذيذة سواء البطاطس أو الهامبورغر وطبعا متجربين.:cook:
أختكم هبهوبة