هاملني ومطنشني ويحب الناس وكارهني لاني ما اعاونه بفلوسي

السلام عليكم ورحمة الله بركاته 
مثل ما مبين بالعنوان، انا زوجي قبل الزواج ما حسب حساب لزواج ومهر وسفر ومستقبله، كان يعمل اعمال حرة ويربح أموال وكله يصرفه على اهله وعلى سفراته، أبدا ما حط شي لمستقبله والحين فكر بزواج وهو عاطل واشتغل فشركة وراتبه عادي، لكن أبدا ما ياخذ اجازات والحجه عشان يزيدو راتبه، صبرت عليه كثير لأسفر ولا هدايا ولا شي لمستقبلنا اناوعيالي، هو تفكيره بس فاعله وحن عادي نتبهدل ويضيع مستقبلنا، ياما كلمته يا رجال تصرف عشان مستقبلنا وحن صابرين فهالغرفه فبيت اهله لكنه مب راضي، ومن جهة هاملني معي في الغرفه ولا كاني موجوده مع اني مؤ مقصره معاه وأريد اسعده، يفضل يطلع دوامة ومع ربعه اكثر من الجلسه معي، واذا طول فالبيت يجلس يسولف مع اهله او ينام بالغرفه. ويسولف مع ناس برع وحريم وانا طاف وهالفتره وايد تزوع عينه ولما اكلمه يقول انا رجال لازم أطالع لكن نظرتي عاديه هذي حجته. مع اني كل شي اسويه له حلو من عطورات ولبس وغيره وبعده يطالع.
 لكن هو الله يهديه بس، والحين حاط عينه عراتبي لما يصرفه على بيتهم يجلس يلومني ليش ما اساسا عده ولو بلقليل، مدري ليه حاط عينه على راتبي وبعد يزعل مني وما يكلمني وخاصه لما تجبه وساوس ان زوجتك تشتغل وخليها تساعدك والحريم يعاونو أزواجهم ترسو رأيه حسبي الله عليهم خاصه امه اولهم. بنات ادعولي عسى تتقبل دعوة حد منكم لاني محتاجه دعوات..