اليوم مسويه هاموور بالفرن قلت باشارك به خواتي تفضلوا
المقادير
هامووور منظف ومغسوول نحط عليه ليمون وخل وملح عشان الريحه
وعقب نغسله ونسوي فيه ثلاث شرايح بالعرض بالسكين <<< هذي عقب نحط فيها شرايح ثووم ونبهره بخلطة البهارات التاليه
( ملح ، فلفل اسود ، كركم ، دارسين ، زنجبيل ، بهار مخلط ، سنوت وجلجلات << كمون وكزبره )
ونحط بالخلاط
2 بصل
6 فصوص ثوم
قطعة صغيرة زنجبيل طازج
2 فلفل بارد لطوال
1 فلفل حار حسب الرغبة ونضيف عليهم شوية من خلطة البهار السابقه
وبتصير هالشكل
نقسمها نصفين نصف نضعه على الهامور ( نفرك الهاموور به )
والنصف الثاني نضيف عليه عصير ليموونه وشوية زيت زيتون
وقطع صغار بصل وطماطم وفلفل بارد ونخلطه مع البهارات
ونحشو به الهامور ونسكره بأعواد اسنان
ونقطع بصل وطماط وليمون شرايح نحطها مع الهاموور عشان الروايح الزينه :)
وفلفل بارد ملون ونعناع مفروووم
جوفوا غرامي في كل طبخه البقدونس والحشيش والشبنت << جوفوا شكثر خخخ
بعدين نضعه في صينية الفرن عشان نغلفة بالألمنيوم
يتبع
وندخله الفرن ونفتحه من فوق وتحت وعلى حسب حجم الهامور ياخذ من ساعه لي ساعتين
بعد مانحس انه نضى << يعني اكتمل استوائه خخخ
نرفع عنه القصدير عشااان يتحمر من فوووق
وهذا شكله النهائي وبالعافيه