هام جداادخلوا

مرحبا اخواتي هذا اول موضوع لي في هالقسم ومابي احد يطنشني اللي تعرف ترد علي الله يجزاها الجنه لو بشي بسيط ابي اغير في بيتي الصاله وابغى احط فيها كنب طبعا ومابي احط شي رسمي اولا الصاله مب كبيره وسط وافكر احط كراسي من الخيزران والجلسه اللي هي الخداديات مشجرومحتاره باللون شفت نماذج في المنتدى اعجبتني وشفت في هوم بلازا اشياء حلوه واحط اكسسوارات من الخيزران والابجوره والستاره والزل وكل شي وش رايكم وعلى فكره الصاله مب مكان رسمي عندي مجلس رسمي يعني جلسه لي ولزوجي ومليت من الكنب الرسمي اللي ابي اغيره واللي يعرف محلات عندها هالكراسي غير هوم بلازا تقول لي والاكسسوارات ابيها غريبه واي شي من الخيزران تحف وغيره حتى الثريات اذافيه بس ابي محلات سعره معقول لاني في بيت اجار ويمكن بعد سنه ونص اطلع واكيد اغير من جديد

ثانيا ابي اسوي ورق جدران للصاله وغرفة ولدي وبنتي وابي محلات سعره رخيص واذكر وحده ذكرت محلات في الخزان تقول رخيصه وابي اعرف وينها فيه بالضبط وكيف شغلهم واهتموا في هالنقطه جدا

ثالثا ابي ستاير لغرف عيالي غريبه وطبعا رسومات وابي فيها اكسسوارات وكريستالات ملونه او اي شكل غريب وحلو زي النماذج اللي نشوفها في غرف الاطفال غير سيتي بلازا وقالوا لي ان ايكيا جايب ستاير كذا وانا ماشفت الكتالوج الاخير اللي تعرف تقول لي تعرفون الرياض ومشاويرها مابي ادور واطول ابي اغير اول الاسبوع الجاي شفت محل في سوق غرناطه اسمه ليميتد تو عنده الكريستالات اللي تحط على الجدار الوان واخذته بس ما لقيت الستاير لاتقولون فصلي زوجي مشغول ابي جاهز

رابعا عندي غرفه زايده وابي احط جلسه عربي مليت كلش كنب وعشان زوجي يبي جلسه عربيه وش تقترحون احط لونها انا شفت عند وحده زرتها حاطه لون ليلكي والموكيت سكري بصراحه رووووووعه بس المشكله في لون الموكيت لازم فاتح وهو لايق معه ومابي سكري ومابينفع مع غيره وانتم عارفين الاطفال بتتوسخ واكيد الرجال بيقول جيبي شاهي وقهوه والخرابيط وذولي مايتفقون مع الموكيت واكيد بيجلس فيها دائما وش رايكم والله محتاره نفسي في هاللون

واللي يحقق لكل وحده ردت علي باللي تتمناه ومثل ماقلت لاتقولون فصلي زوجي تعقد من التفصيل وابي اخلص بسرعه رجاااااااااااء مادام زوجي متحمس قبل لايبرد

واذا فيه صور لاي شي قلته مافيه مانع يعني حركات الاكسسوارات والترتيب والالوان حقت الجلسه العربيه وشكرا :)