هام جدا ارجوا التفاعل جزاكم الله خيرا

بنات احنا حاطينه للفائده الرجاء التفاعل عشان نستفيد من بعض مو تقرون وتطلعون الله يسعدكم معقولة ولارد يعنى اذا مو انتم معارفكم جيرانكم صديقاتكم وشكرا

اختى الكريمة سأجيب على سؤال واحد فقط >>>>>>>>. ما عندها خبره بالموضوع :)
وهو لو كان الأبن وحيده والديه ؟
فالجواب هنا يجب ويجب ويجب أن يسكن الابن وزوجته مع الوالدين من باب البر بهما
وشكرا

السلام عليكم

السكن مع الزوج في بيت اهله هل يؤثرعلي الاستقرار؟

- أتوقع يعتمد ممكن تحسين باستقرار أكثر في بيت خاص وممكن تحسين فيه
مع أهل الزوج، وكله يعتمد على شخصيتج وشخصياتهم، يعني الأكيد عرفنا
وسمعنا حكايات وايد عن المشاكل اللي تصير في بيت اهل الزوج وفي المقابل
سمعت حريم تقول ما أفكر اطلع بيت بروحي، خصوصاً اللي عيالها صغار
وتداوم ومرتاحه انه حد يكفي أولادها وفي نفس الوقت أهل زوجها محترمين
خصوصياتها ومب غاثينها فتقول انا في بيت بروحي بتعب وهني حواليني ناس.

لكن هذا مايلغى إن كل امرأه تحلم يكون لها بيتها الخاص مهما كانوا
أهل زوجها شايلينها على كفوف الراحة.

هل تقبلين السكن في بيت عائلة زوجك؟
عن نفسي لو ماكانت عندي ظروف تمنعني من السكن في بيت أهل
الزوج، ماكان بيكون قدامي خيار إلا أني أوافق بالسكن معاهم
لكن كقناعة شخصية لا طبعاً أبغي اسكن بيت بروحي.

واذا كان زوجك وحيد والديه ماذا تفعلين؟
لا أفعل شيئاً أسكن معاهم لاشك، كيف يتركهم؟ وهو وحيدهم؟؟
مب بس لو كان وحيدهم لو كان اصغر العيال والكبار كلهم طالعين
بعد أضطر اسكن مع أهله لأنه شي بديهي انه بيقعد معاهم.

هل حدثت لك مشاكل معهم وكيف كان تعاملك ايجابيا او سلبيا؟
لاتخلو الحياة من المشاكل، لكن الواحد إذا قعد يشيل في قلبه الحياة ما بتمشي
أحاول أكون إيجابية وأعذر اللي قدامي واحط له أسباب وما أشغل بالي بموقف
بسيط حصل لأنه دايماً المشاكل تبدأ بسبب مواقف بسيطه، غير ذلك ما أحاول
أرد وقت الزعل على أي مواقف تصير معاهم، أسكت وأخلي الغضب يزول
بعدها أبدا أفكر بوضوح وأعرف انه هالناس أنا بعاشرهم عمر، لذلك ابدأ
بالحسنى ولا أدخل نفسي، أما اللي بينهم ويكونون صغار عقول أذكر نفسي
اني ما أكون مثلهم وانه المشاكل وتصغير العقول ماتليق ببنات الناس وتدل
على تربية أهلي لي. وقبل كل هذاااااا الدين يحثنا على التسامح والكلمة الطيبه.


وماهي اكثر نوعية المشاكل التي تحدث بين الجانبين؟

كل أنواع المشاكل ممكن تصير، تضاربوا العيال..
فلانه تشوف نفسها على اخت زوجها، فلانه تغار من فلانه..
فلانه ما تبلع زوجة الأخو ....... وهكذا......
ومثل ما قالت وحده من الأخوات في موضوعها.. أكثر المشاكل بالمطبخ..

لكن عن نفسي وتجاربي الخاصة! اكثر اللي واجهني ما أقدر اسميه انه وصل
لمرحلة المشاكل.. والأكيد انه كله مب لأسباب شخصية،

يعني أخته حاولت تدخل في حياتي!! أمه تقول زوجتك ليش ما تزورنا؟ ..
زوجة اخوه شايفها نفسها احسن مني وتحاول في كل زياراتنا لأهله تثبت
هالنقطه!!

! المهم اني ملمه بكل ما يدور حولي وأنه وين بيوصل؟ لذلك احسم موضوع
أخته بأسلوب لبق ولا أقعد انوح بيني وبين نفسي!! انا عندي شخصية واعرف
اصرف اموري ما احتاج لأحد يتدخل ويصرف لي أموري!!.. عتاب أمه الحاد
أخذه على أنه ود وأزورهم واتعذر وأقولهم مقصرين فيكم والله ..
الكلمة الطيبه لها دورها..
زوجة الأخو أسمع لها بكل صدر رحب .. لكن مجرد ما تنهي كلامها ما أبدي أي
اهتمام أو خلينا نقول ما أبين لها اني اشوفها فعلاً احسن مني بهالأسلوب ..
(طبعاً بأسلوب لبق ومايبين انه هذا قصدي) والهدف انها تحس انه ما وراي
فايده وتحس انه مع الزمن أنه هالأسلوب مايودي مكان ... عشان اتخلص من
محاولاتها بدون ما أسوي مشكله.

طبعاً انا كتبت عن تجربتي، واتوقع ممكن نفس المشاكل تصير كنتي معاهم
أو بيت بروحج .. ولكن طبعاً الثانية تكون بنسبة قليلة..

لا والف لا للسكن مع اهل الزوج اساليني انا بس اذا كان وحيد اهله حرام يخليهم

" السكن مع اهل الزوج فيه سلبيات ولاكن ما يخلو من ايجابيات بمعنى :
* السكن المنفرد تكون لك استقلاليه اكثر يعنى ما يكون هناك احد يطايقك او يطب عليك في اي وقت وحتى الأطفال ما تشوفين إلا طابين عليكي او اهل زوجك من دون موعد .
* طبعا اذا ازاعلت الزوجه مع الزوج اهل الزوج كلهم يدرون .
* الشي الإيجابي هو انش ما بتكونيين ابروحش في الشقة اذا طلع زوجك عنك يعني بتحسين بالأمان
* مع الأيام بتحسين ان العلاقه معاهم اصبحت فاترة لان كل يوم معاهم
* اعتقد كذلك ان ستشعرين انك مقيده بمعنى تقولين"ما يصير ما اقعد مع اهله واساعدهم كل منخشه في الغرفه" كأن واجب عليكي تكونيين متواجده معاهم ومساعدتهم
*الشي الإيجابي الثاني ان ما بكون هناك اجار كل شهر
* وافضل ان ما يكون احد عايش معاكم من اخوانه المتزوجين لان في هذه الحاله تشتعل الغيرة اكيييييييييييييييييييييييييد