هام لكل من لديها تكيس المبايض زورونا حياكم الله

خلي املك بالله كبييييييييييييييييييييييير

انا مثلك لي هلحين قرابة ثلاث سنين بس بصراحة ماجربت الحمل بس أعرف حريم عندهم أكياس وحملو

واولادهم ورا بعض الله أذا أراد خلق نطفة مهما كانت الموانع يقول لها كوني فتكون فالصبر مفتاحه الفرج

والله يرزقك ويرزقنا جميعا:26:

اختي كان عندك تكيس مبايض وتعالجت عنه بادوية طبية وحملت بس للاسف اجهضت لانها شالت شي ثقيل وهي ماكانت تدري انها حامل.
الله يحقق لك كل اللي تتمنينه ويرزقك الذرية الصاحلة .

أنا عندي تكيس بس ما حملت ولله الحمد على كل حال بس حبيبتي مو صحيح ان الي عندها تكيس ما تحمل لأني أعرف ناس حالتهم أصعب بكثير وحملو والله يرزق من يشاء بغير حساب ...
واذا كنتي تبين نصيحه من قلب ناصح لك عليك بالدعاء والإستغفار والصدقه والله انه علاج لكل من تبي تحمل ...

قوت الحياه وهمسه حب وفتونه الحلوه مشكورات على الردود الجميله
واسأل الله بمنه وكرمه ان يرزقنا الذريه الصالحه سليمين ومعافين اللهم عاجلا غير اجل
اللهم ارزق كل محرومه اللهم انت الجواد الكريم اللهم انا طرقنا باب فضلك وكرمك اللهم لاتردنا خائبين
اللهم هذا الدعا ومنك الاجابه










وانشاء الله نحمل بشهر واحد عاد قولوا امين

سلام عليكم يا بنات...
أنا أدري أن بعضكم راح يزعل من طلبي بس تكفون ساعدوني بدعيلكم...
هذى قصتي بإختصار شديد...
أنا تزوجت وعمري 17 سنه 2 ونص ما حملت وكانت عندي مشاكل كثيره مع زوجي وصلت لدرجة الضرب...والله مافي شئ ماسويته منظار-كي-منشطات-أبر-جربت كل أنواع الأعشاب الأدويه وبعد فترة وصتني وحده لمساده وعطني دعء الحاجه والحمد لله حمل وفي شهري الخامس صار خلاف صغير بيني وبين زوجي وصار فيها أيادي بلغلط ضربني على بطني بدون قصد تألمت شوي ونسيت الموضوع لأن تراضينا بس بعد يومن صار عندي ألم غير طبيعي خذاني مستشفى الولاده فحصو علي وأكتشفت إني 4 سانتي مفتوح ولا إلا زادة أنا عندر رحم ذو القرنين (على شكل قلب) فسولي ربط وتميت شهر كامل في المستشفى ممنوع الحركه والمشي ولا شئ فجاءة بعد شهر كنت في شهري السادس صابني نزيف فأطرو يفتحولي الربط بدون بنج بدون شئ عشان مايأثر على الجنين تميت أطلق فيه من الساعه 6 الفجر لين 1 و45 في الليل قريب الفجر والله فرج علي رزقني بولد تم في ال NICU العنايه للأطفال القاصرين بس ما تمت فرحتي حلمت 3 أيام بعد ما ولدت أنه في العنايه وأنا وقفه جمبه فتح الشيشه و تم يبوس فيني وايد وايد وأنا خايفه أن الممرضه لا تشوفه فقلت دش قبل ماتشوفك الممرضه ما سمع كلامي فسألته ليس تتصرف شذي أنت رايح مكان فضحك بس وقمت متفزعه من النوم ماحطيت الحلم على بالي لأن قلت أكيد كان في خاطري أبوسه فحلمت شذي بعد 8 أيام كان يوم الجمعه وأنا في بيت أمي يتصل زوجي يحن علي أنروح عشان أنشوفه مادري ليش قلبي ما كان يطاوعني أروح قريب صلاه العصر رحنا يوم دخلت شفت الممرضات والدكاترة ملتمين حوليه فز قلبي من الخوف أول ما بديت أمشي صوبه منعني الدكتور قالي حالته صعبه صابه فيروس في الدم وقلبه ضعيف جداً مافي أمل غير الدعاء تميت واقفه أصيح وأدعي ماني عارفه شو أسوي بعد ربع ساعه وقف نفسه جدام عيوني مات ولدي الولد إلا لو جبت مليون واحد مايتعوض مكانه مات وأذن العصر كان نسخت أبوه أللهم الون مكس والشعر شعري وهذا إلا تمنيته كل الأشهر أجابل صوره زوجي و بس. تدرون أخترنا 4 أسامي له راشد - مشعل - عبدالرحمن - فيصل وكنا حيرانين شو نختار قال لي زوجي عندي فكره خذي مله حطي ماي أكتبي الأسامي وأقري آيه الكرسي والمعوذات وخليه لساعه ما أستوى شئ المهم تركته في غرفتي اليوم إلا توفى فيه ولدي قبل ما أروح له فتحته لجل أكت الماي وأجط الاوراق لقيت أسم عبدالرحمن فوق والباقي في قاع المله فقررت أفاجء زوجي اما أنروح أنشوفه أناديه أبو عبدالرحمن بس الله ما كتب. بعد كم من يوم أنا وزوجي تخالفنا على العيال وأنا بعدي ما طلعت من الأربعين كنت مثل المجنونه ما نام أحلم فيه أقعد مع ألبوم صوره (صور الألتراسوند) وأصيح فقال لي زوجي الله حلل 4 ولازم أنزيد المسلمين إذا ماتقدرين أتيبين بتزوج عليج فكلمت الدكتور وقال لي 3 أسابيع من يوم ولادتي في أحتمال تكون في حمال وحملت حمد لله وسويت ربط في شهري الثالث وحمد لله عندي ولد الحين وسميناه حمد تاريخ 2-26 راح يكمل 6 شهور. الحين خاطري في توم أو بنت إذا عندكم طريقه أرجوكم ساعدوني أدعيلكم طول حياتي...أنا الحين 21 سنة...
مع تحيات


نبض الحروف