هام وعاجل إلى جميع بنات الخبر -الشرقيّة

الحلوه فوفو مرحبا

انا قرأت موضوعك من فتره وبما ان مافي ردود او مافي معهد مناسب بنفس المواصفات الي تبينها

انا اقترح عليك شئ ثاني اتمنى ان يعجبك :27: او جربي عجبك وانا واثقه انه بيعجبك كان بها ماعجبك طنشي

وهو انك تسجلين في مركز تحفيظ القرآن في الخبر مقابل تقريباً سابل الي قريب من هارديز في شارع الظهران

اتمنى انك تعرفينه فيه تحفيظ ومحاضرات دورات تشريعيه وماشاء الله كل شي عندهم وفيه حضانه

اما في الصيف ماتتخيلين الزحمه والفعاليات الي عندهم وبتتعرفين على اخوات وبتنبسطين معاهم :27:

وبيصير جدولك مزحوم ولا بتحسين بالملل:26: اتمنى يعجبك الاقتراح:26:

الجمعيه الخيريه النسائيه في الدمام
فيها دورات انجليزيه
وفيها المعهد البريطاني بعد
وعندهم حضانه حق الاولا
بس دروسهم صباحيه
هالكلام كان من اربع ....او خمس سنين تقريبا
ما ادري عنهم الحين
سالي عنهم ..انشالله تستفيدين

الله يجزاك بالخير أختي أم عزّان ... وبالعكس وفيّتي وكفّيتي ...

بس عندي سؤال ثاني الله يخليكي ... وهو عن وقت دوامهم ودوراتهم وهل هي مسائية حيث أنّني أفضّل أن تكون مسائية ... وما هي الدورات التي يقدمونها؟

الأخت قدس ... شكرا لردّك وما قصّرتي ... بس أنا ودّي هنا في الخبر ... أقرب وأسهل لزوجي ...

شوفي دوامهم بعد صلاة العصر مباشرة الى قبل اذان المغرب

اما الدورات اعتقد في ايام المدارس بس حفظ وتجويد والحفظ يكون مجموعات على حسب الجزء

اما في إيجازة الصيف يتغير لأن طالبات المدارس والجامعات كثير منهم يسجلون ويكون في دورات كثيره

واتمنى لك التوفيق:26: