هانت العشرة..زوجي حبيبي تزوج عليا / تم الرد + الموضوع قديم

صباح الخير لكل أخواتي في هذا المنتدى الغالي اللي ياما خفف عليا وحدتي طبعاً الكتاب مبين من عنوانه بس أنا ابغى كل وحدة تحط نفسها مكاني(الله لايكتب على أحد) وتشور عليا إيش أسوي في البداية أحب أعرفكم عليا أنا سوسو عمري29 سنة أحضر الآن رسالة الماجستير أنا تزوجت زوجي عن حب بعد ثلاث سنوات خطبني وكانت فرحة عمري وانا الآن متزوجة ليا عشر سنوات يعني مجموع سنوات العشرة13سنة طبعاً زوجي يحبني وانا مرة أحبه بس الله سبحانه ماكتب لي الحمل طبعا ماخليت خلطة الا وسويتها ماخليت داية في جدة ولا المدينة الارحتلها راجعت سمير عباس وعملت أطفال أنابيب وفشلت بعدها بدأت أتعالج عند مجدي الشيخ وبرضوا عملت أطفال أنابيب وفشلت سافرت الأردن ومصر ومالله كتب لي طبعا أنا الآن بدأت أكمل علاجي في التخصصي والحمدلله مرتاحة معاهم طبعاً زوجي سليم وانا عندي انسداد في الأنبوب الأيمن المهم زوجي والحمدلله خلال السنين هاذي كلها عمره ماجاب لي طاري الحمل ولا آذاني بكلمة بس كنت أحس بلهفته على الأولاد المهم طبعا حياتي ماتغيرت زي ماهيا بس تقريبا انتبهت انه زوجي صار يدلعني زيادة يخرج معايا المهم أنا قبل أسبوعين سافرت على الجنوب عندي مناسبة وزوجي راح شغل مع أخوه لدبي طبعاً خلال وجودي في الجنوب اللي كان عبارة عن 6 ايام كان يتصل عليا دائماً ويرسل رسايل شوق ويقولي والله صرت أتخيلك!!!!طبعاً لما جيت كانت المفاجأة زوجي فجأة صار إنسان رومانسي بس يتغزل ويحن عليا وطول الوقت لاصق فيا حتى عمله مايروح المهم قبل 3أيام جا وقالي ...إيش رايك فيا كزوج؟؟طبعاً أنا جاوبته انه زي كل انسان في الحلو والبطال شوية رد عليا وقالي أنا ترى متزوج طبعاً ضحكت حسبته يمزح..... رجع وقالي والله العظيم متزوج من 3شهور!!!!!! طبعا أنا انصدمت كنت أحسبه مقلب..