هاهي محرومه تودع عالم المتزوجات الى عالم المطلقات وتدفن جراح ودموع الظلم والاهانات؟؟

ســـــــــلام الله للجميع
انا بصراحه مااقول إلا الحمد لله اللي جمعني فيكم مرة اخرى؟؟
اشكر كل اخت ارسلت على الخاص تسال عن احوالي او اخت قالت طمينيني
عنك اخواتي (قرقوعه_لقيت روحيE_يتيمه-ام....والكثير ويعذروني اللي ماذكرتهم)

خلوني اقولكم ايش صار بالمده اللي طافت وش نهاية صبري..وش نهاية تحمل الظلم
والجرح....بس ادري انكم بتملون من كلامي فلذلك لا تطنشون بعض الكلام؟؟؟؟
وحالي لايختلف عن اخواتي(ياعمري يالاحساس،اوتااااد)الفرق ان زوجي ماتزوج علي ولاعند
اولاد...معاناه لا تقل عن معانتهن؟؟
اكيد نصفكم عارف قصتي من البدايه زواج مضى عليه سنه و7شهور وكأني بسجن
دآيم على اعصابي وكأني رحاله ماأوقع بالبيت لا استقرار لا أمان مضت هالمده
وانا 10%بيتي و90%عند اهلي....كان آخر كلامي معكم يابنات اننا مفترقين من 5شهور
والحين 6شهور‍‍‍‍‍‍؟؟طول هالمده صابرة وانتظر الفرج لا كلام لا علام لا حياة لمن تنادي وترتجي
بعد المحاولا ت من اهلي قررت أتنازل وهو المخطئ اني اتصل عليه المهم كلمته ومر بسلام
واكلمه اليوم الثاني والثالث ويمر الاسبوع ويصير اللي متوقعته انتظره يقول ماتبين اجي
آخذك اومتى اجي؟؟مرالاسبوع وبس وشلونك وش اخبارك المهم قررت اروح للبيت وانظفه
ونظفته؟؟وهو كان مو موجود باليبت مسافر؟؟بعد يومين كلمته وانتظر يقول شي نرجع.....
المهم قلت انا بقول قلت ليه ماتجي تأخذني قال :وليته ماقال((((خليك عند اهلك )))
كملي مشوارك التعليمي تناقشنا بالموضوع بعد كذا عرفت انا الانسان عديم الضمير
مافيه فايده عيني عينك يجرح بالكلام مرار وتكرار ومع الكلام تدرون ايش قال(يعني بترجعي
غصب))و(انتي لسه بالعشرين العمر قدامك)و(تلقين واحد احسن مني )وووووو
شوفتوعاد هذا رجل حياة ومسوليه.....بعد ماقفلت التلفون جلست ابكي لين قلبي قال يكفي
انسان عطيته عمري فضلته على كل الشباب اللي جوني عطيته مالي وماوري ودوني
ارخصت له الغالي والثمين.....للاسف....للاسف
بعد ماقال لي الكلام حسيت انه امسح من قلبي نهائي...صرت اكره كل شي يذكرني
فيه اوبالزواج حتى النقل اللي يوصلني للمدرسه حتى الذهب مااطيق البسه
صابره ...وصابرة...ومازلت صابره...
بعد الكلام صار الطلاق امامي هو الحل بعد ماقلت لا اصبر يمكن يتغير يندم
لكن الحين طفح الكيل...كيف اعيش مع انسان دخلت عليه راسي مرفوع
وطلعت من عنده راسي بالارض مديوس...ليه اعيش مع انسان همه يجرحني
يهينني..يبغى اي كلام ينفرني يطيرني من البيت...من زواجي وانا صابره على كلامه
امام اهله واهلي والله العالم بالبيت؟؟؟؟ليه اعيش مع انسان كأني اخته بالبيت
كأنه محرم علي الحب والحنان ومع غيري يجوز وكأن امه واخوته هن زوجته
انا تزوجت ولا ذقت ربع طعم الزواج....ماذقت الا الذل والاهانه
الكلام كثير ولا ودي اطول عليكم؟؟
الحل الطلاق اريد الطلاق وانت اعلم يارب لما اطلبه لا لا فسق ا ودلع اومن اي شي تافهبل طلبته يارب لما حل بي من ظلم وجور وذل وكأنني بنت لقطه رحمك رباهبس يابنات اهلي وآقفين بوجهي موراضين بالطلاق الكلمه اللي تعودنا عليها من اهلينا
اصبرن.....اصبرن........يارب ثبتني واصلح أمري.....امين

بنات عطوني رايكم.........والله كل مرة اقول خلاص ماني بكاتبه من مشاكلي
خلاص فشلت من البنات ثم لا اجد من افضفض عليهم غيركن وايضا لمن سأل عن حالي
:06::44::(:06::29:
والحمد لله على كل حال....اللهم آجرني في مصيبتي واخلفلي خيرا منها..
وتحيااااااااااااااتي للجميع