ماروكووو :

الله افكار روعه : !- اخصص وقت الصباح بتنظيف البيت والطبخ وتجهيز كامل وانتهي قبل ما يرجعون من الدوامات عشان اكون فاضيه باقي اليوم. 2- اذا حبيت اسوي محشي اسوي كميات كبيره واخذ اللي احتاجه لطبخ اليوم واطبخه والباقي افرزنه بعلبه مغلقه تماما بدون طبخ الا وقت الاستخدام اطلعه واسويه ع النار .. اذا زاد عندي رز من المخصص للحشي اطبخه عادي ويطلع طعمه حلو وغدا سريع .. 3- انا عيلتي صغيره ونص دجاجه تكفي وبما اني استخدم دجاج مجمد فصعبه افك التجميد واخذ حاجتي واخلي الباقي اطلع الدجاجه وبعد ما تفك اخذ حاجه الغدا والباقي اقسمه واتبله واحطه بالثلاجه للعشاء او لليوم الثاني غذا يكون متشرب النكهه اكثر والذ . احط داخل سله المهملات جرايد وفوقها الكيس عشان ما تصير ريحه او رطوبه لاني اطلع الزبايل مره باليوم وطبعا الجريده تتغير مع كل كيس ولا ريحه ولا وسخ في الزباله ..تكرمون . 4- احط محلول كلوركس مع شوي ديتول داخل بخاخ وابخ منه على التواليت بعد كل استخدام سريع ويحافظ ع التعقيم لحين غسل الحمام .. 5- الوقت اللي استغرقه بالطبخ يكون بنفس الوقت وقت لترتيب وتنظيف المطبخ والثلاجه واشوف شو ناقص يعني 2 في 1 ..

الله افكار روعه : !- اخصص وقت الصباح بتنظيف البيت والطبخ وتجهيز كامل وانتهي قبل ما يرجعون من...