هبال ولا استغلال ؟؟

ما اعرف اكتب مقدمات ,, لذلك راح اخش ع الموضوع دايركت ,, اليوم فايحه تسبدي من هالمشاغل اللي ما ينهبلون إلا قبل العيد والمشكله إنهم مشاغل غير راقيه ولاهي في الشمال علشان اقول بيطلعون غلا الايجار ؟؟ رحت بضيق فستاني ع الجوانب اصبعين من عند الخصر وبعد المكاسر وتتكلم من طرف خشمها بميه ؟؟ بالله الفستان ماركه وجاي من برى وقماشه دانتيل وفي موديل وب300 وشوي ,, واختنا في الله بتضيقه بيدها الكريمه ب100 :09: , الموقف الثاني العام رحت للمشغل ليلة العيد بزين حواجبي وهالمشغل دائما اروح له والاستشوار طول السنه ب30 ريال مهما كان طول الشعر ,, وانا انتظر الصبغه تجف إلا ويبدون الحريم يتوافدون وكلما دخلت وحده تبي استشوار قالوا لها حسب طول الشعر لدرجه وحده منهم ب250 ريال تقريباً وهي بالعاده يستشورونه لها ب30 ريال ,, قالت لها الكوافير تعالي ثاني يوم العيد واستشوره ب30 ريال ؟؟ الموقف الثالث ضحكت من الغبنه والقهر رحت لاحد المشاغل ليلة العيد اول ما أذن المغرب ,, وقلت لها ابي ازين حواجبي وكان المشغل فاضي ما فيه إلا كم وحده قالت لا ,, طارت عيوني ليه ؟؟ قالت مانزين حواجبك إلا إذا قصيتي شعرك واستشورتيه ؟؟ ليلة العيد مخصصه للقص والاستشوار ,, الخلاصه : اني قريت بتويتر هاشتاق للاولاد بيقاطعون الحلاقين وتحسرت على حالنا ,, هل فيه بدائل واقدر اجيب وحده للبيت تدربني على صبغ الحواجب (( لأني اجيب فيهم العيد واتشوه )) ,, وكل عام وانتم بخير