موقف ثاني : كنت اجمع بنات جيراننا واقول لهم كل وحدة تختار اي حيوان او طير تبغى تصير:mouse: ..عشان من بكرا تتحول للحيوان او الطير الي اختارته ..ومساكين يحتارون بالاختيار ;) ..المصيبة ان فيه بعضهم اكبر مني ومصدقين وعايشين الجو خخخخخ.
موقف ثالث : لما كنت بخامس ابتدائي ..كنت انا واختي رايحات جايات على دكان حارتنا عشان نشري عسكريم ابو خمسين ياحلوووه تذكرونه ؟؟؟
المهم والفلبيني برنار راعي الدكان واحنا نحاسب عنده ..الحيوان قال لنا :I love you ..طبعا انا كنت اعرف ارد عليه بس استحيت ..المهم لما طلعنا من الدكان قلت لاختي روحي ردي عليه وقولي I hate you عيت الخبلة ..آخر شيء اتفقنا نروح كلنا ونقف عند فم باب الدكان ونقوله اكرهك ونحط رجولنا..وفعلا رحنا و وقفنا عند فم باب الدكان وقلنا I hate you
وهجينا ماتشوفون الا غبرتنا من الخوف 
..وصرنا بعدين مانروح لدكان برنار الا واخونا العزيز معنا .موقف رابع : كنت طالعة انا واختي نودي الزبالة "اكرمكم الله " واحنا بالشارع شفنا حرمة سمينة تمشي مع ولدها وكان بعد هو سمين:09: ..لما شفناها قعدنا نغني بصوت عالي مسموع حرمة دبية ومعاها ولد دبي ..وخزتنا الحرمة بذيك العيون ودخلنا البيت ..بعدين علطول جرس الباب دق ..وعرفنا انها الحرمة ..انا من الخوف رحت غيرت ملابسي عشان ماتعرفني هههههه ..طلعت لها اختي الي كانت معي "شين وقوي عين " وقالت لها الحرمة وين امك ..راحت اختي تنادي امي ولما جت امي لقينا الحرمة راحت :icon28:
لسى في جعبتي المزيد من الهبال ..بس بترك الآن المجال لكم مع مواقف هبال الطفولة حقتكم
