أحس موضة التطقيم الشنطه والجزمه والفستان كانت شيء حلو أتمنى لو ماراحت

ايام جميلة اقصى همنا درجاتنا ووش نلبس ووش نلعب .. انا اتذكر ماسكرا الشعر الملونة تلونين لك خصلة بنفسجي واخضر ووردي يا سلام ... بخاخ القليتر اللي يبخونه بعد القصة الجديدة او على التسريحات .. الشنط الشفافة ومكتوب عليها mbc او صورة تايتنك ( ياللهول ) واكيد طبعا بدائع الاكسسوارات فراشات وزنبركات وخرز الشعر البلاستيك .. عقد البلاستيك الاسود اللي كأنه تاتو مع انهم رجعوا له الآن وكملوا الطقم :) خواتم الزجاج مدري الرخام ، اساور الخشب .. ( مقاول مو بنت ) .. واهم شي حبة الرز اللي مكتوب عليها اسمك وحاطينها في قزازة صغيرة مرة مركبة في السلسال :)

احمم احمم الوو تسمعوني الله انتي ظغتي الزر فيني ياحبي للقديم وعلى فكره ترا لحد الان بعض الحاجات القديمه رجعوها بس الفرق اول رخيصه وذحين غاليه زمان وحنا صغار انا واخوي كنا قبل العيد بيوم نروح السوق وطلع جهاز طفل يظحك يموت من الضحك احنا اشتريناه وحطيناه بجيوبنا ونمشي بالسوق بالعنابيه احنا من المدينه ونشغله والناس تلتفت ايش هذا ومحد قدنا شوي ونطير من الخرطي مغبره الكلمه والا الارنب اللي بجوانبه طبله ويطبل ياسلام والاتاري وكنا نلعب فيها المدرعات وكانت فوزير رمضان كل سنه من مدينه بس احلى حاجه بنات المدينه ونغني انا وزميلاتي بالمدرسه وحنا نازلين محد قدنا القلوب كانت صافيه والا ايام الاختبارات التكايه والشنطه الصغيره كانت من لزوم الاختبارات وكل بنت تتفنن وكانت عندنا بنت الجزمه والشنطه زي بعض هذي الغنيه اللي مابعدها ماشاء الله واذكر اول ماطلعت المناديل الحمراء ياربي البنت اللي معها منديل احمر هذي واو بس ويش اقول والا زمان اذكر لمى احد يسوي عزومه ترسل الام بنتها لجارتها وتقولها تسلم عليك امي وتقولك عندها فنجان قهوه الله يحييك يسلام لاسمعتا الكلمه ذي وناسه فيه عزومه لاممنوع اصطحاب الاطفال ولا يحزنون الله يسعدك ذكرتيني بالذي مضى ولي عوده لاتذكرت شي راح اطفشكم

ماقلتلكم راح اطفشكم اذكر زمان طلعت لكل بناجر مودي طلع دقت الدركتن ودقت المنشار والا بالاقمشه حكايه تموت ضحك فيه قماش ابو الريش وقماش صبوحه وكله كوم وقماش صك الباب ولحقني تخيلو

ههههههههههه والله ذكريات ..بناجر دقة الدركتن باقي موجوده عند حماتي منها...بس قماش دق الباب ولحقني هذا كوم لحاله