"هتجوز عليكي!"

السلام عليكم ورحمة الله ايش رايكم يا بنات في تفكير الحرمة دي قوية لا:2thmup:كيد نسا مصري على اصوله .................. مش عارفة لية بتنرفز أوي لما ألاقي واحد بيهزر مع مراته ويقولها " هتجوز عليكِ" – حتى لو من باب المشاكسة اللطيفة- والحقيقة إنها لا لطيفة ولا حاجة لأنها فيها قدر كبير من الاستخفاف بيها وبمشاعرها كأنثى- حتى لو مكنتش أنثى أوي- الحكاية فيها فعلا جرح، وإشارة لأنه ممكن يستغنى عنها وقت ما يحب وبالتالي فهيترسخ عندها شعور بأنها مجرد إكسسوار أو مرحلة وقتية:" طب ليه أتعب نفسي معاه طالما كده كده هيسيبني" !! قوووووم إييييييييه يكون الرد الطبيعي للحاجة الساقعة:
- "اوعى تفكر إني هضايق لأنك سبتني واتجوزت عليا... لا يا حبيبي، أبسلوتلي... أنا بس هيصعب عليا نفسي إني استحملك في فقرك وضنكك وأقساطك وجمعياتك عشان لما الدنيا تطري شوية وتبتدي تندع تيجي واحدة تاخدك ع الساهل كده لا يا قطة ... اللي عوزاك تاخدك زي ما أخدتك مش لما تبتدي تندع تيجي بسلامتها تشاركني فيك!! وبعدين اللي خدته القرعة تاخده أم الشعور، خيبة إيه دي".
ونقطة ومن أول السطر يفهم الزوج من الحوار اللطيف ده إنه لو نوى يتجوز عليها مش هتسيبه غير لما تفقره وبالتالي هيلم الموقف بكلمتين من مثيل:
- ده أنا بهزر معاك.
- ماتقوليش على نفسك قرعة
- إنت مبقتيش تقبلي هزاري ليه
وتنهي العلاقة بينهم ويمكن تتجمد لإن الاتنين جرحوا في بعض بالفعل ونسوا السكن، المودة، التراحم.