هجرت بيتي المُلك والسبب ؟؟

السلام علبكم ورحمة الله وبركاته 
كيف حالكم يامجتمع حواء ربي يبارك لكم فيما رزقكم ويرزق كل أخت ماتتمنى وزيادة بخير وسلامة 

الموضوع يابنات تزوجت قبل 7 سنوات واشترطت بيت مستقل ووافق زوجي سكنت تحت أهله دور أرضي البيت كان مأثث كامل وشرح ووسيع يفتح النفسس كان ... 💔 
أهله ناس طيبين جداً ولاقد آذوني  ولا آذيتهم محبة واحترام وكل خير ان شاء الله 

حصلت مشاكل لزوجي وانسجن 
طبيعي رحت عند أهلي وطبعاً أروح لبيتي أقعد اسبوع او اقل وارجع وهكذا ...
استمرت السنوات ولكن كل فترة ألقى تجديدات في بيتي بشكل مجمل 3 غرف من بيتي تصكرت من برا بحديد وصارت مكتومة ( غرفة النوم كامل الشبابيك  ومجالس الرجال بقى شباك واحد فقط مفتوح في كل غرفه ) 
باقي الغرف 2 بقولكم وش صار فيهم ... 
البيت كله تقريباً صار متحوط بمستودعات لأهل زوجي وبايكة للسيارة عشان كذا تصكرت أغلب شبابيكه الحوش عندي كان صغير وحلو يلعبون فيه أطفالي .. بس برضه اخذوا منه مابقى لي غير حق الباب فقط سيب صغير ... أنا قلت كيفهم هذا بيتهم وهم أحرار .. 
مره طفى علينا الكهرباء انكتمت في غرفتي مافيه الاشباك الحمام مفتوح بغيت اموت ونفس الشيء باقي الغرف حرر .. طلعت فوق عندهم الى ما رجع أشتغل

أخت زوجي الصغيره عندها مشروع وأخذت وحدة من الغرف وتعبت عليها بوية واضاءات وأثاث من إلى .. هي قالتلي صلحتها عشان بعدين تستفيدين منها لأطفالك :)'

أنا ماقلت شيء ف النهاية هم سووا هذي الأشياء بدون علمي ولاحتى موافقتي ...
الثانيه مشروعها أسر منتجه وأخذت تسوي منتجاتها للمشروع من مطبخي .. ثلاجتي كانت خربانه ماتصلحت الا لما صلحت مشروعها عندي قاموا صلحوها  .. :( 

أول ماتزوجنا أخت زوجي المتزوجة قالت البيت كبير مرره عليكم ...؟ قبل لاتصير فيه تغييرات 

كم مرة تجيني تلميحات أنهم يبغون البيت 

مره خالتهم كانوا يلعبون عندي أطفالهم قالت .. الله يعينك من هالأطفال اذا ضليتي ساكنة في هذا البيت .. ! 
قلت بالعكس يلعبون عندي وتحت نظري ولايروحون الشارع

مرره بيحكوا أخوات زوجي ان ماعندنا مكان نضيف الحريم فيه وهم مايرغبون الزيارات الكثير 
ولايحبونها أبداً 

فيه 2 مطلقات بأطفالهم 
و2 بنات 
والباقي متزوجات 
أنا أحترت هل أقعد وأضل عندهم 
أو انتقل لشقة أصغر بس ملك أخو زوجي 
لان كل سلفاتي هناك بس مؤقتاً لان الشقق ضيقه 
ودور ثالث يعني درج ومدخل مشترك وشغله .. 

اطفالي كانوا صغار وأهلي يتحملونهم بس الحين كبروا وكبرت شقاوتهم معهم يعني صعب أقعد الى مايخرج زوجي عندهم ونفس الشيء صعب أرجع لبيتي بوضعه الراهن لان جاتني ضيقه منه أستغفر الله 😭😭😭 

أنا ماهاممني الا زوجي شلون أعلمه وأفاتحه بالمرضوع ... ؟ 

علماً اني ألمح له أن البيت صارت فيه تغييرات وهو بيقولي أنا اذا نزلت أصلح كل شيء ..

بتقولون ليه ساكتة ؟؟ :'(
أهل زوجي وخاصة عمي وعمتي والله لو يقولون لي يبون البيت والله لأطلع بنفس راضية اليوم قبل بكرة وربي يهنيهم ولكن مابيها تجي مني واطلع وهم ماتكلموا ولاجابوا طاري أبداً .. 

أفتح الموضوع معهم ولا مع زوجي وش تشورون عليّ ؟؟