بنات انا متزوجة من سنة ونص وعندي ولد الحمدلله الله يحفظه لي ..
زوجي صار له شهور من لما ولدت يتهرب من البيت ومن المسؤولية .. كان اول ماتزوجنا يساعدني بكل صغيرة وكبيرة ويطلعنا من البيت ويوديني السوق نتمشى ويعزمني بمطاعم ومن لما ولدت ليومكم ذا هجر حياته معنا انا وولده صار يجي البيت كانه فندق .. بس للنوم
مستوعبين انه يصحى يداوم يرجع يتغدى ابو نص ساعة ويرجع يشرف على عماله وشغله للمغرب ويرجع يتروش ويبدل ملابسه ويكشخ ويطلع الاستراحة ما يجلس معنا نهااااائي يرجع من الاستراحة طافي وينام
ولا يطلعنا .. حتى اغراض رمضان وداني بنده بعد المغرب ومستعجل على راسي وصلنا ومع الزحمة مادخت الا بعد العشاء ورجعني البيت الساعة ١٠ وراح الاستراحة !!!!
واذا كلمته يقول انا محتاج ارفه عن نفسي مع اصحابي المشكله ماكان كذا نهااااائي
كل رجل يتمنى يجيه طفل عشان يتمسك بالبيت زوجي تعامله مع ولده كانه له ١٠ عيال ماله نفس ومو فرحان فيه ولا يلعب معه مادري وين الخلل كرهت نفسي مسجونه بالبيت .. انصحوني انتم كذا والا بس انا .. دايم احلل الوضع انه يتهرب من المسؤولية بس برضوا مو سبب .... انصحوووووني
ام تميم qi @am_tmym_qi
عضوة جديدة
يلزم عليك تسجيل الدخول أولًا لكتابة تعليق.
أغلبهم كذا بالبدايات يهربون من الصجه والازعاج مو مستوعب ان عنده أطفال وصار يحسكم ثقيلين..... اول بس انتي وحده وخفيفه الحين انتي وولدك يحس هم لطلعتكم......... لاتخافي مع الايام يكبر ولدك ويتغير أن شاءالله........اما سالفة مايجلس معك كل يوم استراحه خليه يخصصلك يوم أو يومين بالأسبوع يجلس معكم وباقي الايام يروح مع أصحابه وانتي كمان زوريها جيرانك اهلك
الصفحة الأخيرة
والله يسخره لك يارب ويصلح حاله