هدايانا هالصيف وهالعيد غير ........

السلام عليكم ورحمه الله وبركاته

جيتكم بموضوع لا مو موضوع تقدرون تقولون اقتراحات وفكره حلوه << اتمني انها حلوه


كلنا نعرف الصيف جاء و رمضان والعيد و السفر وكل ذي المناسبات تحتاج نشتري هدايا كثيررررررررررررر نحتار وش نقدم هديه ؟؟ شلون نغلفها ؟؟ بتناسب الي نهديه او لا ؟؟ وغلبا مثلي يعني لاشريت لاحد هديه ما انسي نفسي واشتريلها افرحها مسكينه لان محد يذكرها << يله كل وحده تجهزلي هديه ههههههههه


بس بنات خل نفكر شوي بعض الناس انقطعت صلتنا فيهم بس نبي نهديهم وشلون نرسلهم الهديه كيف نوصلهم ؟؟


مثلا بقولكم سالفه

ماما الي ربتني مره جتني وقالت تري اختي نستني ونست امي شوفيها وورتني امها جثه مغطيه ومحطوطه بغرفه مظلمه و لاتنسينا انت كمان وعلمي امك … تدرون وش كانت تبي ؟؟


طيب جدتي مره جاتني يدينها مقطعه واخمها وهي تناظر يدينها وساكته وبعيونها نظرت انكسار … تدرون وش كانت تبي تقول ؟؟

مره جاتني خالتي قا

انا اقولكم بس بعد سالفه بقولها


مره طلعت من بيتنا بركب السياره المكيفه وكنت فاطره لان توني صاحيه كان علي العصر وانا طالعه شفت الزبال الي دايم ينظف بعز الشمس زبالتنا وراتبه 300 بس واحيان مايعطونه راتب قاعد بالشمس ومعرق قلت حرام مسكين رجعت البيت جبت قاروره مويه صحه من الثلاجه و فتشت شنطتي لقيت بس تقريبا اقل من 5 ريال اذا ماني غلطانه لاني بالعاده احاسب بالبطاقه ما احب اخلي فلوس بشنطتي عطيته اياه واحنا ماشين بالسياره شفت جارتنا الي دايم تصوم لانها لاصحت ماتلقي اكل فتكمل صيامها وتفطر علي مويه من البزبوز برضو رجعت وقفت السياره و رحت جبت الغداء الي ماكليته لاني باكل برا و دقيت بابها وعطيتها اياه ورحت المشوار تدرون وش صار بنات وربي الي شاهد علي صارتلي مصيبه مصيبه بكل ماتحمله الكلمه من معنا كنت بنفضح كنت بنظلم كنت …. تخيلوا اقسي كلمه ممكن تنقال و اكتبوها بالفراغ وربي يابنات اني كنت بروح فيها لولا ان ربي ستر علي تعرفون الاحساس ان الشي خلاص 100 ٪ بالميه بيصيرلك و يجي ربي بلمح البصر يغير الشي او يعمي الي قدامك الي الان ما اعرف شلون طلعت من ذيك المصيبه لولا رحمه ربي كل ماتذكر ذاك الموقف اقول كيف لو ربي ماستر علي كيف لو …. كيف لو ….. مره اقول يمكن لاني تصدقت قبل اطلع مره اقول ربي يحبي ومره اقول رحمة ربي بنات وربي وانا
اكتبلكم وانا ارجف حسيت نفس الاحساس وجاني نفس الخوف

كما ورد في الحديث الذي رواه الطبراني وهو قوله صلى الله عليه وسلم: صنائع المعروف تقي مصارع السوء، وصدقة السر تطفئ غضب الرب، وصلة الرحم تزيد في العمر. والحديث حسنه الألباني.

تعرفون امي الي ربتني وش كانت تبي كانت تحتاج صدقه لانها لمن توفت الله يرحمها اختها الوحيده مرت بضائقه ماليه وماصارت تتصدق عنها وهي يوم كانت حيه كانت تتصدق عن امها


تعرفون جدتي ليش يدينها مقطوعه بالحلم لان خالتي كانت تتصدق عنها دايم ولاقطعت الناس الي جدتي كانت تتصدق عليهم بحياتها بس الي صار ان راتب خالتي توقف لمده 6 شهور فالناس انقطعوا من الفلوس فجتني جدتي بالحلم تعلمني ان الاجر انفطع عنها


بنات تفسير الاحلام مفسر الي فسرها لي يعني مو انا قاعده اتفلسف


بنات كلنا لنا احد ميت صح او لا ؟؟ كلنا عندنا احد حي كلنا عندنا اب وام سواء حين او ميتين؟؟ عندنا مدرسه او زميله عمل ؟؟ ناس انقطعنا عنهم وناس مازلنا معهم ونبي نشكرهم ؟؟ ليش مانسويلهم صدقه ؟؟



ممكن تسوي الصدقه ونكتب الوصل باسمهم ونحطه بجواب و تهدونه وصدقوني بتصير اغلي هديه تسوي العطور و الاقلام و الاطقم والمجوهرات و الدروع والورود الي بالدنيا كلها


بنات عندنا ذنوب او عشان محد يزعل عندي ذنوب كثر شعر راسي واكثر الله يغفر لي

بتكلم عن نفسي مابي اعمم عشان ماتجي وحده تهاجم وتقول انا مو كذا لاتعممين ومن انتي ولاتفتين


لا بر والدين ولاصلاه ولاعباده كلها صح اسوي ابر بامي واصلي و اعبد ربي بس لازم من الخطا مره اغلط مع امي مره اعق مره ااخر صلاتي مره اسرح بصلاتي مره ما اصحي اصلي الفجر مرات ما اقرا قرآن





طيب خلاص قررنا نسوي صدقه ليش اول مايموت الميت او نجمع فلوس نقول بنبني مسجد ؟؟
تعرفون في الاف المساجد مايتعدي الي يصلون فيها احيان 10 مع انها تكفي اضعاف هالعدد ؟؟
تعرفون اني في ناس ماعندهم مويه يشربون بتالي كيف يتوضون عشان يروحون المسجد !!


ليش مانحفر بير او نسوي برادات مويه

فقد روى الإمام أحمد وأصحاب السنن عن سعد بن عبادة رضي الله عنه قال: قلت: يا رسول الله إن أمي ماتت أفأتصدق عنها؟ قال: نعم، قلت: فأي الصدقة أفضل؟ قال: سقي الماء.

مولازم ببلد اسلامي

فقد قال النبي صلى الله عليه وسلم: في كل كبد رطبة أجر. رواه البخاري. وروى مسلم أن رسول الله صلى الله عليه وسلم قال: إن الله كتب الإحسان على كل شيء.

بس مو معناها انوا انا ضد بني المساجد لان

فقد روى الإمام أحمد وابن ماجه وغيرهما أن رسول الله صلى الله عليه وسلم قال: من بنى مسجدا لله ولو كمفحص قطاة أو أصغر بنى الله له بيتا في الجنة. قال الشيخ الألباني: صحيح.


بس قصدي بفلوس مسجد نحفر 3 ابيار كبيره وخصوصا السقي افضل


بنات في وسائل كثير للبر والصدقه والاجر

الجمعيه الخيريه لتحفيظ القران الي اعرفها بجده

تكفلين طالب بحلقه ذكر شهريا ب 25 ريال بس يعني 4 طلاب ب 100 ريال

عندهم وقف الوالدين بس للامانه مو ذاكره بالضبط المبلغ وللاسف موقعهم معلق مايفتح معاي طبعا لاتنسون اذا كفلتي طالب علم او حافظ للقرآن لكي اجره واجر الي بيعلمه هو ويستمر الاجر
في كمان الندوه العاليمه للشباب الاسلامي

عندها كذا مشروع وكل مشروع افضل من الثاني

عندهم مشروع مليون مصحف المصحف ب 15 ريال بس طبع وتغليف وشحن لجنوب افريقيا وتوزيع كمان

لان بافريقيا في قري ماعندهم الا مصحف واحد والي يبي يحفظ يجي يكتب بورقه ويحفظ منها واحنا كل وحده عندها 3 مصاحف علي الاقل ولاتقرا فيهم الا بين فتره وفتره الا من رحم ربي طبعا

عندهم حفر بئر تختارين الدوله و مساحه البير وفي جدول بسعر المتر بكل دوله وبعد مايحفرون البير يصورونه لك ويرسلولك صورته


عندهم كفاله يتيم طبعا الاسعار تختلف حسب الدول تقدرين تدفعينها سنويا او شهريا ويرسلولك تقرير عن حالته ودراسته وصورته بس وربي ناسيه كم تقدرون تزورون اي مكتب و يفيدكم او تتصلون


عندهم الحقيبه المدرسيه و كفاله طلاب الدراسات العليا
طبعا هم مختلفين بس اجرهم واحد
عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ طَرِيقًا إِلَى الْجَنَّةِ قَالَ أَبُو عِيسَى هَذَا حَدِيثٌ حَسَنٌ{رواه الترمذي(2646)}
وطبعا عندهم اوقاف للوالدين و لك وفي مشاريع مساجد واوقاف كثير
ممكن تزورون موقعهم او تتصلون فيهم او تزورون اماكنهم


والي تحب تتصدق وماعندها مواصلات ممكن تدق عليهم ويجونها لين بيتها ياخذون الصدقه ويعطونها الاوراق


طبعا برضو عندهم برامج موسميه زي زكاه الفطر والاضحيه وغيرها


هذا موقعه


كود:
‏http://www.wamy.org/index.cfm?method=home.cat&CategoryID=251
تعرفون الجمعيه الخيريه لرعايه الايتام انسان

عندهم مشروع كفاله يتيم او ارمله

اليتيم ب 250 شهريا يعني 3000 سنويا بس اذا اخترتي اليتيم بنفسك وتصير كفاله خاصه

وفي كفاله عامه ب 50 ريال بس شهريا

شوفوا هنا تفاصيل اكثر


كود:
‏http://www.ensan.org.sa/modules/ensan7/
نجي لجمعيه الاطفال المعوقين

ممكن تتصدقون باي مبلغ او بمجهودكم من خلال التطوع معهم بوقت فرغكم


كود:
‏http://www.dca.org.sa/Pay.aspx
اما جمعيه البر بكل منطقه في جمعيه خاصه فيها

عندهم مشروع الاسر المحتاجه واستقبال الكفارت ولحوم الاضاحي و زكاه الفطر وتفطير صائم ومساعده اسر السجناء و الحقيبه المدرسيه وتوزيع الصدقه والزكاه وتوفير بطانيه الشتاء ومساعده المرضي


واذا ماعندكم فلوس

يستقبلون ملابس واشياء عينيه و كمان يوزعون اثاث


هذا موقع البر بمنطقه الرياض وفي باغلب الماطق


كود:
‏http://www.albr.org/active/index.htm

بنات الي ماعندها فلوس مو مشكله الي ماتصدق الجمعيات مو مشكله تسوي هي


الحين جاينا رمضان نسوي فطور ونرسله المسجد نشتري لبن وعيشن ومويه و نعطي الزبال حتي او سواقنا يوزعه عند الاشاره قبل الاذان بشوي نسوي صحن وكل يوم نرسله لجاره من جاراتنا ممكن نتجمع كذا بنت ونشتري هدايا عينيه نروح لدار العجزه او دار ايتام ونسويلهم حفل العيد

طيب الي مالها بالبخ وبالنفخ تتصدق الي ماتبي تعطي الزبالين لان بعضهم يكونون نصابين بس لابسين اللبس وهم مو زبالين عادي خل تتصدق علي جيرانها الضعوف علي اي احد علي اقاربها الضعوف المحتاجين منها صدقه ومنها صله رحم

الي ماعندها فلوس ولا راعيت طبخ علي الاقل


علي الاقل انها صاحبه كلمه دامها تقرا كلامي لا تامر بمعصيه
اذا وحده سالت عن نتف حواجب او تاتو او مثلا الحجاب وتغطيه الوجه لاتدلها وبكذا تاخذ ذنبها حتي لو هي تنتف حواجبها او تعمل تاتو مو كافيه الوزر الي حملته واللعن كمان تحمل وزر ثاني


لا تشوف الخطا وتقول لو انهم توزوا احسن لانها من علامات الساعه انوا مانامر بالمعروف

لا تفتي بنات صدق لاحد يفتي اشوف بنات كثير تساهلوا بذي المسئله ويفتون
الي تفتي ابلحجاب وال تفتي بالنمص والي تفتي بالتوصيله بس مو معناها اقول اقعدوا عنفوا زي البنات بعضهم الله يصلحهم تجي مدرعمه حرام وش تقولين واستغفري و تجي تخليك تركبين راسك وتستمرين بخطائ ك مع انها لو جات باسلوب حلو كان طاوعتيها واعترفتي بخطئك


لما رواه أبو داود وصححه الألباني أن النبي صلى الله عليه وسلم قال: "من أفتي بغير علم كان إثمه على من أفتاه" .
بنات انا مالي علاقه بولاجمعيه من الي كتبتها فوق ولا اخذ منهم عموله و لا لي مصلحه سوا الاجر ان شاء الله وكلها اعرفها ومتاكده منها واعرف ناس ساهموا باغلب النشاطات و من اوقاف و كفالات وطبعا الجمعيات هذي مصرحه من الدوله يعني ماتدعم اي جهه ارهابيه






لي طلب اخير كل وحده تكتب شلون بالعاده تتصدق

وموقف يبين ثمار الصدقه صار لها



ببدا بنفسي غير المصيبه الي ربي نقذني منها

كلكم تعرفون اني قعدت بالبيت سنه وشوي قبل اسافر صح ؟؟ كان مصروفي 1000 ريال كنت اتصدق واسلف واقضي مقاضي البيت حوالي 500 شهريا و اخرج بالخرجه اصرف 100 اقل شي واشتري ملابس و لابتوب شريت ماك وكاميرا شريت كانون و اصلح اسناني عند اغلي دكتور ومع هذا الحمد لله كنت اصرف من هنا ادخل يدي بالشنطه وانا اعرف مافيها شي والقي فلوس ادخل يدي بالبنطلون الي لي كم شهر مابسته القي 500 القي 100 ودايم كذا



فقال سبحانه : { من ذا الذي يقرض الله قرضاً حسناً فيضاعفه له أضعافاً كثيرة } ( البقرة 245
منقوووووووووووووووول