هدايا المواليد من وين تاخذوها..................

حبيبتي يسعدني إني اكون اول وحدة ترد عليك:)

أنا مو من الرياض بس أكيد راح تلقي أشياء حلوة ومناسبة في بيبي شوب وبعد في مذركير

أما سؤالك عن تويز آر أص ففيه أشياء حلوة يعني عربيات - سرر-ألعاب أطفال-كراسي

بس ماأعرف كيف الأسعار

سوي مثلي...وقت التنزيلات لفي على محلات الاطفال...مذر كير,بيبي شوب,أوكايدي,بريمامان..أنتي وميزانيتج..خذي ثياب..أدوات حمام...عطور أطفال

اشتري صناديق هدايا من محلات أبو 10و20 تكون أرخص من المكتبات ومحلات التغليف.

لما توصلج هدايا في ولاداتج,خذي اللي ناقصج والباقي خزنيه.

يوم تحتاجين تهدين..حطي كمن قطعه في صندوق الهدايا مع ورد مجفف وأوراق زينة....أو غلفيها في محل تغليف اذا حابة يكون منظر الهدية ملفت.

هلا يا قلبي

ابشري باللي يسرك ..... على البركه ماشاء الله ...الله يخليلهم ما عطاهم
بس انتي بالضبط كم ميزانيتك !!!! ووش جابت
وهل قريبتك تحب الماركات او لا !!

شوفي عندك
ممكن تهدينها مصاصة ديور او رضاعة ديور (150 ريال) بتغليف مرتب وكشاكيش وبتطلع احلا هديه وترا المصاصه مهمه للبيبي ودايم معه
وممكن
نطاطه اللي تتركب على الباب من مذركير بس نسيت بكم
وممكن تروحين لسيتي بلازا وتجمعين كم قطعه مرتبه ((بدله مثلا ومعها بيجامه وشرابات وقبعه ..من لون معين )) مع دبدوب صغير من نفس اللون ومهاد واي خريبطات تناسب وتنسقينها كلها في سله وتغلفينها ..
وممكن
اممممممممممممممم
طاولة تغيير
عربيه
هزازه
ممكن تجيبين سله صغيره وتحطين فيها بتنسيق (( عطر للبيبي حلو - مجموعة مستحضرات لنظافة البيبي وكريمات له مثلا سيباميد - تولة دهن ورد وتنسقينها في السله مع لعبه ناعمه او بطه كيوت وتغلفينها بورق سوليفان ..

ممكن سله برضوا (( شكلي نشبت في السلال خخخخخخخخخ))
المهم سله وتنسقين فيها مجموعة الاكل الاولى للبيبي من صحن بلاستك مع غطاه وكوب وملعقه بلاستيكيه لينه ومجموعة حافظات بلاستيكيه صغيره علشان تحفظ اكله و كتاب لوصفات البيبي الاولى ومريله للاكل وعلبة بسكوت الاطفال وتنسقينهم وتغلفينهم ..

هذا اللي في بالي ولو جا شي براسي باقوله

معليش توني شفت سؤالك عن تويز ار اس
انا امس كنت فيه خخخخخخخخخ

فيه مشايات وسراير وجلاسات وكراسي سياره واشياء واجد بس المميز عندهم اكيد الالعاب
ممكن تاخذين له اللعبه اللي وهو صغير تتركب فوقه ونازل منها شغلات ولما يكبر شوي ويصير يجلس تنسفط شوي وتصير كنها طاوله وفيها العاب

عموما انا اخذت لولدي لعبه مره حلوه من فيشر برايس

اسالي عنها وشوفيها اسمها رول اراوندز
وهي سيت او مجموعه
فيه منها كور للمس تنمي ذكاء الطفل باللمس وب29 ريال والعلبه فيها 6 كور ملمس كل وحده مختلف عن الثنيه
منها كور للبصر برضوا تنمي ذكاءه بالروءيا ونفس الشي 6 كور شفافه بداخلها العاب بصريه
منها كور للسمع في كل كوره صوت مختلف ونفس الشي 6 كور شفافه بداخلها خشخيشات وخرابيط
وكل مجموعه من اللي قلت 29 ريال انا اخذتهم مع لعبه تشترينها بلحالها يحط البيبي الكور ويضغط يد وتطيح الكور للاسفل مع اصوات وانوار ب99 ريال
بصراحه روووووووووووعه ووليدي اعجبته مره وخصوصا الكور بسم الله على قليبه قام يصبخ كل كوره بالثانيه

معليش فتحتها على البحري وقعدت اهذر المعذره

للرفع..