هدايا النفاس خلتني اشيل هم

السلام عليكم
والله يا بنات طفشت من دا الموضوع وابغى حل
انا ولدانة من 10 ايام
وتعرفو الناس يجيبو هدايا لي وللمولود
وناس يعطوني فلوس
وانا عند امي
وماشاء الله عشان عيد فالفلوس اكتر
وبتجي مبالغ كتيرة
وزوجي طول الوقت يسالني
فلانة كم جابت
وعلانة اش جابت
وهاتي الفلوس
وحرام تاخديها هي للبنت مو ليك
وزي كده
مع العلم انه حتى مع بناتي الكبار كان يسوي كده
بس للامانة ما صرف منها ولا ريال
كلها يجمعها وفاتحلهم حساب يحطو فيه
وحتى العيديات
وانا نفسي اخد من الفلوس لنفسي
في اشياء كتيرة نفسي فيها
ولو قلتله مثلا خالتي ما جابت شي
يقولي خلاص لا تحلمي توديلها مدام ما تجيبلك
واذا قلت جابت قليل
يقول هاتيه واش دا وانت وديتيلها شي اكبر وووو الخ
يعني مني عارفة اكذب ولا اقول الحق واتضارب
هذا من جهة
ومن جهة تانية امي
كل ما احد جاب هدية
ترجع تسال كم جابت
ولا تعطيه لزوجك
واشتري كذا وكذا
واذا احد جاب هدية
لا تفتحيها
خليها نوديها هدية
واحسها تبغاني اخلي كل الهدايا مقفلة وهي توديها تهديها لمواليد
وانا نفسي افتح الهدايا واشوفها
واذا ناسبتني ااخدها
يعني دحين جاتني مشاية
بس ما تبغاني افتحها
وقالت حطوه فوق الدولاب
وانا ما عندي مشاية لبنتي
ونفسي اخده لبنتي
بالله اش اسوي مع امي وزوجي