هدايا للحج؟؟؟؟؟؟؟؟؟

بالنسبه لي يوم حجيت
اكثر شي عطيت الاطفال عطيتهم العاب وشريته شارع السويلم الي في الديره .
ممكن تشترين لاقاربك مره مثل دهن عود او جلابيات , اختاري واحد منها
واذا حبيتي محل جلابيات سعره رخيص شوي بس للامانه الاشكال مو فخمه عاديه ممكن اوصف لك المحل .
وتروحين وترجعين باالسلامه
لاتنسين ياالغاليه تدعين لي .

بنات انا بروح أحج السنة !!!

وش سولافة الهدايا ؟؟ اللي يروح الحج يجيب هدايا ؟؟ يمكن لني متغربة ناسية !! يعني لولادي وبس والا بجيب لمين بالضبط؟؟؟

اختي مهى هذي الهدايا عاده من زمان نسويها

لما نرجع من الحج نجيب هدايا رمزيه للأهل والأصحاب وهي غالباً للأطفال عشان

يفرحون

وهي مو شي لازم يعني الواحد الي يبي يجيب من كيفه

مو شي الزامي


يعني انتي وقدرتك مثلاً سجادة صلاة عطر شموع اي شي

والأطفال غالباً العاب

والله يتقبل منك حجك ولا تنسينا من صالح دعائك


:27: ^الكتكوته^ :27:

:26:

شكشوكةمالحة

إن شاء الله تروحين وترجعين بالسلامه وينغفر لك كل ذنب ويستجيب لكل دعوه تدعينها

واهم شي لا تنسيني بالدعوه الي طالعه من القلب

اسمعي اختي شكشوكه مالحه >>>>>والله مدري من وين تجيبون اسميكم

من كلامك انك من الرياض فيه عندكم سوق اسمه البطحاء وقدامه حلة القصمان

اذا ما تعرفينها اي لمزين بيدلك عليها هناك بتحصلين اشياء رهيبه وسهرها ارهب

وحلوه وتصلح حق هدايا بس لازم تكونين تعرفين دواعيس السوق عدل حتى تتسوقين زين

تقدرين تشترين من البطحاء حناء لان عندهم حناء مشاء الله رهيب واحمر اشتري منهم ورق واخليهم يطحنونه

وفيه محلات اقمشه ومحلات جلابيات جاهزه وقطع وكله حلوه مثل جلابيات كمال وسميرا اذا خذيتيها بسعر الجمله بتطلع لك رخيصه مره وما راح يعطيك الا لما تاخذين 12 او اكثر

وفيه بعد اطقم الي سجاده و شرشف صلاه بشنطه

يبيعونها عندنا بالشرقيه على خمسين وستين وفي الرياض من خمس وعشرين الا اربعين

اما الاطفال بتحصلين لهم بعد وفي اسواق الديره بعد شغلات حلوه حق الجهال

اما بالنسبه لمكه اسمعي انا قد حجية وكان فيه وقت اني اخذ الهدايا حق اهلي واقاربي والصغار منها غير البيعين المتجولين الي يجون لعندك كل دقيق