هددته واستغربت من ردت الفعل

تكلمي وخليك قد حالك وان تأخر مره ثانيه ارسلي هديه مع بنتك ورقه شكوى عليه مابي اكثر كلام ماله داعي بس لو يبيك ماتخلى عنك لاتنسين انتي كبيره وواعيه والي تشوفينه صح سويه حتى بدون استشارة انتي تطالبين بحق بنتك وهذا م عيب ولا حرام

لاتتعشمي ياقلبي
وبالله من كل عقلك بيخاف بيخاف من ايش ان شاء الله 😂
المهم لاتتعشمي وخلي الرجال بحاله
وارضي بواقعك

بالنسبة لتأخيره في النفقة وسكوته عنها إلا إذا طالبتيه هذا تصرف غير مسؤول ويدل إنه مو حاط مصلحة البنت أولوية نهائيًا

سالفة انك تكلمتِ بصراحة وهددتي برفع القضية عبر ناجز هذا حقك القانوني وما فيه شي غلط بالعكس

كثير من الأمهات يسكتون عن حقوق عيالهم وانتِ ما سكتِ وهذا يُحسب لك ولبنتك واقولك براڤو عليييييييييك

بالنسبة لسالفة انه ناوي الرجعة وهالخرابيط اللي كل مرة تقولينها
من تصرفاته مثل التأخير الدائم وقلة الاهتمام في بنتك ما توحي بأنه صادق فعلاً في رغبته في الرجوع أو إنه تغيّر بس ممكن يكون جس نبض وانتي نشبتِ فيها

اخر كلامي اللي كل مره اعيده وأزيده بمواضيعك
خليكِ مركّزة على مصلحة بنتك وحقوقها ومصروفها
ولا ترجعي لأي علاقة إلا إذا شفتِ تغيير فعلي حقيقي واستمراري من طليقك وخطوة جادة منه ناحية اهلـك مو مجرد حركات وقتية سخيفه قسم بالله انه ممسخرك ويلعب بعواطفك

وخليك قوية مثل ما سويتي لما طالبتي بالنفقة هذا اللي يخليه يعرف إنك ما تسمحين بأخذ حقوق بنتك بسهولة

والله قدر طليقك يعلقك في الحبال الدايبة
وخلاك تشغلي بالك فيه
واي تصرف منه على طول تحسبيه انه يفكر فيك ويفكر يرجعك
ياعزيزتي لك سنين طويلة منفصلة عنه
وكل سنة يقعد يردد كلام عقيم لبنتك
وهي تجي تقولك
وانتي تفرحي وامكن تقولي لبنتك ماعندك مانع
وطبعا ردك بنتك توصله ليه
لكن شفتيه اخذ خطوة
لا
جا لأهلك او كلمهم وقالهم ابغى ارجع فلانة
برضه لا
لكن انتي للآن مصرة انه يبغاك
ومصرة انه يفكر فيك
ومصرة انه بيرجعك
طليقك لعاب وجبان
ومايبعى يرجعك
يبغاك تشغلي حالك بيه
وتضيعي عمرك وهو عايش حياته

انتي تسألين عن النفقه ولا عن الرجعه حددي موقفك
لان واضح انك مهتمه لموضوع الرجعه وان النفقه مجرد عذر عشان تتواصلين معاه
ويمكن في داخلك افكار انك لو كلمتيه راح يرد عليك ويفاتحك بموضوع الرجعه
خذيها من الاخر الرجال لو له نوايا رجعه ماراح يسوي مراسيل وكلام فاضي يدل وين اهلك ويعرف باب بيتكم
ونضيحه لا تنجرين وتنساقين خلف هذي الافكار لانها ممكن تكون مجرد فخ لغاية في النفس
ويمكن البنت بس كذا قالتها لغاية في نفسها وتبي تتأكد انك تبين ابوها ومو بعيد بعد انها تقول نفس الكلام له
يعني انتي اثقلي ولا تنساقين وتروحين ترسلين وتهبدين
وبخصوص النفقه خلي اهلك يتفاهمون معاه وتصير تتحول للحساب تلقائي كل شهر بلا اتصالات بلا وجع راس وقيل وقال وتلاعب بالمشاعر