هدفي إصلاح المجتمع الدخول للأهميه لكل أم

بسم الله الرحمن الرحيم 
اللهم صلّ وسلم على سيدنا وحبيبنا محمد وعلى آله وصحبه وسلم أجمعين
وبعد 
اخواتي العزيزات السلام عليكم ورحمة الله وبركاته 
اول شي اعرفكم بنفسي انا سيده سعوديه متزوجه ولي أطفال وأسأل الله أن ينفعني وينفع الاسلام بهم ويصلحهم وأولاد المسلمين 
وجودي في المنتدى لايعني لي مسائل تخصني فقد خصصت دخولي للإصلاح وهدفي إصلاح المجتمع ككل والله يقدرني على فعل الخير 
عندي قضايا إجتماعيه خطيره تحصل في المجتمع السعودي خاصه وايضاً المجتمعات الخليجيه والعربيه ولاكني أسعى حالياً لمجتمعي الحبيب
من القضايا التي ابي  طرحها كثيره ولاكن ابي  ابدأ بقضيه خطيره جداً جداً جداً 
يمكن البعض عنده فكره او البعض يحاول ان لايفكر فيها ولاكن او اقول لكم ان القضيه هذي سببت للكل مشاكل  الاوهي
قضية عزوف الشباب السعودي عن الزواج لكل الجنسين واسبابها كثيره 
من أهمها 
1:غلاء المهور 
2:ارتفاع الاسعار بشكل جنوني في كل شي سواء اجارات الشقق او قصور الافراح او الملابس او الذهب او المعيشه وكل شي بالعربي مولع ناااااار 
3:الشروط التعجيزيه التي تطلب من الزوج 
4:الثقافه الزوجيه عند البنات والشباب صفر 
واسباب كثيره وانا ذكرت المهمه واللي عندها زيادة نقاط تضيفها
راح نتكلم عنها بالتفصيل  
كل يوم بنتكلم عن نقطه واحده فقط عشان  مايطول  الموضوع ويصير  ممل بس عندي بعض الملاحظات واتمنى الكل مايفهمني غلط وانا مااعمم كلامي على الكل من الجنسين بس للأسف الغالبيه منهم 
ثاني شي انا ماانتظر من أحد ان يشكرني او يمدحني او يذمني ورجاءً اللي بتدخل وترد علّي تناقشني بأدب ونحاول ان نتوصل الى حل بكل ادب وموده 
اتمنى يكون كلامي واضح جداً 


نجي للنقطه الاولى الا وهي
غلاء المهور بشكل فااااااااحش 
ياامهات وياأباء سهلوااا الزواج لبناتكم وشبابكم لاتصعبونها عليهم استروا على بناتكم وعيالكم 
تجي الام او الأب يشرط لبنته مهر خيالي وشقه خياليه واثاث فاخر وزواج في افضل القصور غير السفره اللي بعد الزواج وفي النهايه تطلع البنت ماتعرف تطبخ ولاتعرف تغسل ولازم تجيب لها شغاله !!!!!!!!!!!
ولاتعرف تربي اولادها ولاتعرف تتعامل مع زوجها وحتى في الامور الخاصه بين الزوجين وانتم فاهميني يصير مشاكل فضيعه البنت ماترضي زوجها لأسباب مو فاضيه له مو رايقه له يناديني في وقت وانا اطبخ او اكلم صاحبتي او بطلع لعزيمه او حتى اي عذر ثاني وساعتها تلاقي زوجها يخونها او يروح للحرام بسبب الشي هذا طيب وقفي حبيبتي
وش اللي يمنعك تمتعين زوجك والله لو تدرين ان اذا ارضيتيه راح يكون خااااااااتم في يدك ملكك انتي اي شي راح تطلبينه بيقولك ابشري ماطلبتي شي ونفسيته بتكون حلوه معك وبيحب الجلسه عندك وبتكونين انتي حياته وعمره وكل شي في دنيته


 وارجعي لحديث الرسول صلى الله عليه وسلم 

فقد روى البخاري ومسلم وغيرهما. عن أبي هريرة رضي الله عنه قال: قال رسول الله صلى الله عليه وسلم: إذا باتت المرأة مهاجرة فراش زوجها لعنتها الملائكة حتى ترجع. وفي رواية: حتى تصبح.

وفي المسند وغيره من حديث عبد الله بن أبي أوفى أن النبي صلى الله عليه وسلم قال: ..والذي نفس محمد بيده؛ لا تؤدي المرأة حق ربها حتى تؤدي حق زوجها كله حتى لو سألها نفسها وهي على قتب لم تمنعه . قال الشوكاني: إسناده صالح.

وعن طلق بن علي رضي الله عنه أن رسول الله صلى الله عليه وسلم قال: إذا دعا الرجل زوجته لحاجته، فلتأته وإن كانت على التنور. رواه النسائي والترمذي، وقال: حسن صحيح، وصححه ابن حبان.

وفي الاخير وش راح يكون ردة فعل الشباب ؟
اغلبهم قالوا ياعمي بلا زواج بلاهم اروح اتدين وادفع فلوس واذبح عمي وفي الاخير مااستفدت شي اصير سواق وانا دافع دم قلبي لازوجه ولاعيال ولافراش 
احسن لي اروح اشوف لي وحده مسيار ولااتزوج لي من الدول المجاوره ماتكلفني 50الف ومن اقوم لين انوم وهي تحب رجولي هذا اللي خايف على نفسه من الحرام شوفوا عاد اللي طاحوا في الحرام بلاوي تشيب الراس لها غير البنات اللي انحرفوا طلعلي نوع بويه ونوع ليزبيان والشباب نوع مثلي ونوع لوطي الله يكفينا الفتن والمصايب يعني ضيقتوا عليهم لين خلاص البنات والشباب انحرفوا مالقوا طريق لهم الا الحرام رغبات مكبوته عندهم اغاني كلها إثاره مسلسلات كلها خيانات عزل مراقص وشوفوا المقاطع اللي تطلع فيها ولااحد يجي يقولي لاانتي غلطانه قبل فتره كنت عند ناس وكانوا يتفرجون على مسلسل واتوقع الكل يتابعه عن قصه فتاة اغتصب من قبل شباب انا جالسه اشوف مافهمت السالفه وكانت جالسه جمبي بنت عمرها9سنوات في ثالث ابتدائي سمعت منها كلمه صدمتني تتوقعون البنت هذي وش قالت لمى قلت وش سالفة هالمسلسل قالت هذي وحده اغتصبوها شباب 😱😱😱😱😱
قلت وانتي تعرفين وش معنى اغتصبوها قامت وعطتني المشهد بالتفصيل الممل وشوي قالت لأختها الله اخيراً مسك يدها 😲😲😲
شفتوا حتى البزران صارت عندهم احاسيس ماخذوه من مشاهد جنسيه بحته أثرت عليهم يعني البنت او الولد الحين من عمر 13سنه عارفين الجنس والاثاره وكل شي
طبيعي ينحرفون طبيعي يمارسون العادات هذي مع بعضهم ليه لانهم طول اليوم يشوفون إثاره 
خلاص وصلت معهم لدرجة انهم يقولون بنت ولد حمار شايب اهم شي نسوي اللي نبي 
وانا اجزم لايكاد يخلو بيت من بنات وشباب عندهم سعار جنسي فضيع 
انا اعتذر على كلامي اذا كان خرج من حدود الادب بس والله من اللي اشوفه احس اني بموت كل ماتخيلت بناتي او عيالي ممكن في يوم يصيرون كذا اقول ياربي ليتني عقيم في الزمن هذا
ولاتجي وحده تقول ربي عيالك تربيه صالحه وماعليهم لاياماما هذاك اول الحين المدرسه تخرب التجمعات العائليه تخرب كل وحده معها ايبود ولاايباد ولاايفون ولاجالكسي تاب ولااي جهاز قادره تدخل على برامج التشات وخربوا عيالك من جلسوهم مع ناس لمدة ساعه وحده 
انا عارفه ان كلامي مو مرتب وانه بالعامي بس عشان يوصل من القلب للقلب ياامهات استروا على بناتكم سهلوا الزواج لاتصعبونها  وانتي ياالأم خلي بنتك تساعدك في المطبخ علميها كيف تشرف على بيتها وشلون ترتب البيت وشلون تطبخ وشلون تحترم زوجها والله اذا تعاونا مع بعض كذا ينصلح المجتمع اما على الحال بتطلع بلاوي ماتدرون عنها ساعتها خلاص ماعاد نقدر نحل المشكله ....
وفي الختام اسأل الله ان يستر على بناتنا وشبابنا 
والصلاة والسلام على سيدنا محمد وعلى اله وصحبه وسلم 
واستغفر الله العظيم واتوب إليه من اي كلمه زلل قلتها....