هدمت بيتها بس هي السبب ..حسبي الله عليها

كل وحدة متزوجة أنصحها تصارح زوجها في أي شي يصير مو طبيعي ولا إنت راضيه عليه مهما كان وفي نفس الوقت ...
أنا في يوم من الأيام شفت رسالة في جوال زوجي تقول فيها ( طيب إنت وش اللي تبي .....) هذا المقطع اللي شفته ما كملت الرسالة وعلى طول أخذت الرقم وعطيته إختي علشان تدق عليه وأتأكد إذا ما هي بنت وفعلا تطلع بنت وسمعتني إختي صوتها أنا خلاص ماني مصدقه إن زوجي يكلم بنات وعمري ما شكيت فيه وهو ما هو من ذا النوع أبدا وأفعاله تدل على ذلك .
بدأت أفكر وأدور وأحوس السالفة في رأسي وفعلا الوقت اللي جته فيه الرسالة كنت جنبه بس ما خلاني أشوفها وفي نفس الوقت دق على جوالي علشان أروح من عنده
أنا قلت ما سوى كذا إلا علشان يرد على الرسالة .
اليوم الثاني جواله بعد ما رجع من الدوام مقفل ...الجوال نفسه ماهو الجهاز (إميت إسم جواله) قلت في نفسي إنه زعلان منها علشان كذا مقفله ..واول مره يقفله
وشفت الرسائل وكان ماسح الرسالة رحت شفت الرسائل المرسلة MMS وكان فيه رساله لها (صورة رسم واحد طايح على الأرض وعليه دم ) وكانت بتاريخ قبل الرسالة اللي أرسلتها بيوم (يعني أرسل اليوم وهي اليوم الثاني)
أنا فسرتها إنه مجروح وتبي تراضيه ...
وشفت رساله ثانيه منها تبارك له بالعيد وفيها إنشودة العيد ..
بالله عليكم كل هذا ما يأكد إن بينهم علاقة ...

في نفس اليوم في الليل الساعة 8 دقيت عليها من جواله ومسحت الرقم بس ما تكلمت ولا قالت حتى ألووووووووووو
ودقيت مرة ثانية وقفلت في وجهها..... بعد ساعة لقيت إتصال منها ومسحته ورجعت دقيت وقفلت على طول بعدها جات رسالة منها تقول فيها ( مين معي )

وصرت أدعي عليها وقلت ممكن تكون شاكة إنه أنا علشان كذا ماتكلمت وأرسلت علشان تتأكد .......وخلصت السالفة إلى هنا ...........

اليوم اللي بعده ما دريت إلا وجاني إتصال على تلفون البيت الساعة8 الصباح ومن زوجي وكان معصب ويقول إنت دقيت على أحد أمس من جوالي عاد أنا طاح وجهي وقلت ليش؟؟؟؟ قال في واحد داق عليه ويقول أزعجتنا وسبه وتكلم عليه وهدده إنه يجيبه من السما وإلا الأرض
قلت إيه دقيت لأنها حرمه وإنت مسوي معاها علاقة وعطيته الرقم وتأكد إنه نفس الرقم اللي الرجال دق عليه منه.......
قلت إني دقيت عليها من جوال ثاني وطلعت حرمه وبعدين دقيت من جوالك عليها .

قالي ليش ......هذا الرقم نفس الرقم اللي قلتلك عليه يرسل رسائل ويدق ويقفل وأرجع أدق عليه ولا يرد أو مقفل ولا أدري منه بالضبط وكنت أفكره واحد من الشباب يستهبل عليه.......

قلت وأنا وش عرفني إنه هو وإنت قلت لي سالفته هذي في الصيف وفكرت انها إنتهت .
وقلت طيب قوله السالفة وإن عندك رسائل من نفس الجوال ....
وقاله ذا الكلام وقال إربط اللي عندك .يقصد زوجته ..واللي تبي تسويه سوه ..
وإنتهت السالفة ...وأنا طول الوقت أفكر فيها وش اللي صار فيها ..

والله مرة أقول تستاهل هي اللي جابته لنفسها ومرة أقول الله يكون في عونها ...

وجاني زوجي زعلان وقالي ليش تمسكين جوالي وتفتشينه وليش تدقين عليها
من جوالي ...
قلت وأنا وش عرفني إن مافي بينكم علاقة وكل اللي صار يدل على إنه في علاقة
وأنا مادقيت إلا بعد ما تأكدت إنها حرمه ..

وقلت أبي أعرف وشلون راح ترد عليك ..... ومنها يوصلك خبر إني كشفتك.....ولا راح أقول لك شي ولا أبين إني زعلانه وأخليك عايش في العسل معها ......

وإنتهينا على كذا ........هو عنده حق إني ما رحت على طول وصارحته بالموضوع وعرفت منه السالفة وأنا عندي حق إنه وش يدريني إنه مافي علاقة بينهم .....

صح وإلا أنا غلطانه .. قولولي وعلى فكرة نمنا وصحينا ولا كأن في شي صار هو مو زعلان وأنا ماني زعلانه ومشا اليوم طبيعي ..

بس أخذت درس قاسي وأي شي غلط على طول في وجه مهما كان .....

وأزيدكم من الشعر بيت فاتورة جواله وصلت 800 ومدري كم فوقها وقلت هذي مكالمات الست .
وأول مرة كانت توصل إلى ما فوق 800 بس قلت إنه إنترنت الجوال بس هذا قبل ما ندخل تلفون بيت واللحين والتلفون له شهر ونص وبرضو توصل الى هذا المبلغ وكمان لسه فواتير مفوترة لسه مانزلت الفاتورة ....

وتبوني ما أشك .........معاي حقة صح

وخذوا العظة مني ولاتسون زيي كل شي في وجوههم أول بأول....

والحمد لله عدت على خير بس مدري ذاك الرجال لسه عند تهديده ووعيده
الله يستر .......