هدم الانوثه.

السلام عليكم .
بالبدايه انا اعيش بين 5 بنات انا اللي بالنص يعني اكبر مني 2 واصغر مني 2 تخيلوا اننا كلنا وصلنا الثانوي واحنا جاهلين بكل شيء يخص البنت من شعر ومن مكياج ومن اهتمام والنظافه شيء ثاني شيء ما نعرفه ابد تصرفاتنا واخلاقنا اللي يشوفها يقول عيال مو بنات للاسف كلنا بدون اي استثناء اخواتي الان على مشارف الثلاثين ولا وحده منهم انخطبت امي وحده كبيره بالعمر يعني معذوره جداً وماهي متعلمه يعني اللوم مو منها اللوم مننا احنا اللي وصصلنا لهالعمر وبوجود الانتر نت ومع ذلك ما تعلمنا المهم اني فقت على نفسي لما دخلت الجامعه شفت الناس والعالم وفيه اللي اصغر مني وما شاء الله متعلمه اساسيات البنت وانا كنت ولا شيء لما ارجع للبيت اشوف اخواتي واشوفني لش كذا احنا ليش كذا ؟ قرايبنا ما نشوفهم غير من عيد لين عيد حتى بالزواجات يسلمون ويورحون ما الومهم مسن اللي بتخلي بناتها يمشون مع بنات زينا .
المهم اشتغلت على نفسي والله المكافاه ثلاث ارباعها اخليها لصيديله وانواع الخلطات وادخل اليوتوب واشوف شلون اسوي مكياج وشلون اضبط شعري واتعلم من صحباتي اللي بالكليه بدون ما احسسهم اني ولا شيء لين الحمد لله الان باقي ترمين واتخرج لكن اخواتي للحين مكانك سر رغم اني افهمهم واكلمهم بالزواجات اجيبهم وحده وحده واحط لها مكياج واسوي شعرها بس لاحظت اختي بعد ما تخلص مناسبه تعيب اللي سويت لها وتتكلم وتنغز وتضحك بصوت عالي وانا اقول خلاص ما ابغى اسوي لها ولما تجي مناسبه نفس الشي يتكرر واختي الثانيه لما تجي قناه او فقره فيها تعليم للمكياج وتشوفني اتفرج تشيلها على طول انا شكيت بس قلت بتأكد والله امس جات فقره عن وحده تجرب مكياج على وحده وانا جيت وشالت ع طول قلت خليها تقول لا مو لازم كل شيء تعرفينه اقسم بالله قالت هالكلمه ولما تشوفني اتفرج باليووتيوب عن وحده تسوي تساريح تجي تشوفني اتفرج تركض تروح تفصل المودم ليش طيب عاجبهم العفن اللي كنا فيه واله العظيم اني عمري ما حسست احد انه مايعرف لان نت زيهم بس اذا هم اهلي وعزوتي بالتصرف والحسد والحقد هذا ايش القى من الغريب ؟


ولما احط ماسك واغمض ابغى استرخي وحده منهم تجيب جوالها وتصورني وتقول كأنها جني وترسله على قروب العايله واللي فيه اخواني ويجلسون يضحكون والله اني صرت اقول مالي شغل يهم بس مجرد ما تجي مناسبه يجوني واستحي اقول لا واحط ويرجعون على نفس الموال لما ما يحتاجون.
شلون اتعامل معاهم بدون ما يكون فيه ضرر او طيعه بيني وبينهم؟