هدوئي قتلني

سلام عليكم

بدخل بالموضوع على طول
انا الحمدلله قدرت اقوي ثقتي بنفسي
لكن صار لي فتره طويله ماتعرفت على ناس جدد !
بنات ودي اكون اجتماعية ومواضيعي حلوه ودي اكون شخصية لطيفة من غير ضعف !
اللي خلاني ابي اكون اجتماعية مريت بتجربة خلتني فعلا اتندم على خجلي !
التجربة هي ايام الثانوي كانت فيه بنت عاديه قريبه من عمري !
لما تشوفينها ساكته وبدون اي تعبيرات ، تقولين عليها عاديه مافيها جمال
كانت البنت هذي اجتماعية مع الناس
المعلمات كانو يحبونها حيل
نادراً مانطلع برا الفصل بحصص الاحتياط
بس هي كانت بحصص الاحتياط يطلعونها هي وصديقتها يتمشون
.
كانت عندنا معلمه شديده ومستحيل تضحك مع طالبة ؛ تخيلو لو شافت الطالبة هذي تبتسم لا ارادياً
.
كنت احيانا امشي معاها كانت الناس تمر من عندنا اللي يسلم واللي يضحك معاها واللي يسولف واللي يسألها وين رايحه
.
كانت جريئه حيل بس بدون قلة ادب
.
صراحه حالياً ما اعرف عنها اي شي لكن ماشاء الله عليها الله لايضرها ويجمعنا بجناته
.
فعلا ودي اكون اجتماعية لكن كيف الطريق لذلك ؟
.
ما اخفيكم كنت قبل هاديه مابي احاكي احد لكن الهدوء مافادني بشيء !!
حمدلله تحسنت عن قبل لكن مشكلتي بالسوالف !
لما اقعد مع احد تضيع السوالف من راسي
يعني مثلا لو اقابل وحده تخصصها جغرافيا،، بقول لها وش نوع موادكم ؟ تخصصك صعب ؟ اسئله تحسس اللي قدامي بالملل
.
احيانا لا ارادياً من نفسي ابدأ بالتصنع !
اتلخبط !
سوالفي ماتكون جذابة !
مدري ليش كثير احيان ما اخذ واعطي مع الشخص الا اذا تعودت عليه ؟
--
اللي بالله تعرف حل لمشكلتي وعلاج وطرق تحل المشكلة تفيدني والله يحرمها عن النار !
وش تنصحوني فيه
كتاب معين
فديو معين
قصة معينه
افعال معينه
اللي عندها اي معلومه لاتبخل علي جزاها ربي الجنه