وانا معكم

فكرت اهديها خاتم حلو على قد ميزانيتي وهي بتقدر هالشي
وودي اهدي خالتي ام زوجي شرايكم ؟
شكلي بشتريلها جلابية مريحه

وابوي وعمي ابو زوجي بشتريلهم سبحه

الله يعين الميزانيه خربت :)

بس اهم شي الهدية ووقعها عليهم :)

انا السنة الماضية اشتريت لأمي حلويات العيد وخليتها منوعة جواهرجالكسي وتويكس وجوز الهند ومارس واللي يحبه قلبي كانت تشكيلة كبيرة ومنوعة وحطيت معاها 200 ريال كلها خمسات اخذتها من مؤسسة النقد وغلفت الحلويات وكانت الفلوس في ظرف صغير وحلو وارسلتها لأمي في 27 رمضان قبل ماتشتري الحلاوه وفرحت امي واخواتي بالفكرة هذي وقالو حركة جديدة وحلوة

كسرة بخور ..

فكرة الجلابية حلوة .. من وين اشتريتيها .. وشو هو العود الأزرق ..

يناسوووو عليا

أفكار رائعة .. الله يخيلك الوالد والوالدة يا رب ..

***ملكة الليل***

بالنسبة للحلويات أنا دايم أشتري سلة منوعة من فريش سيليكشن .. بس ما تعتبر هدية للوالدة .. تعتبر من تجهيزات العيد عموما .. الله يخليلك الوالد والوالدة ...

بسمــة السعــودية
الله يسلمك .. الوالدة ممكن تهدينها خاتم ذهب .. أو مجموعة كاملة للجسم فيها عطر وشاور جل وكريم جسم .. إلخ ..

** nora **
لا تحاتين .. الأجر كبير إن شاء الله ..

لؤلؤةالشرق
فكرة حلوة .. الله يخلي لك الوالدة ..

بالنسبة للبنات اللي ميزانياتهم تسمح .. ممكن تهدون الوالدة أسهم .. ما أدري إذا الفكرة مناسبة ولا لأ ..بس الحين جت في بالي ...