بما أن الإختبارات على الأبواب حبيت أفيدكم بطريقتي في المذاكرة
التي تعتمد على تقسيم الوقت
بالأول لازم نعرف المواد اللي رح نختبر فيها
نكتبها في ورقة
بعدين نكتب الأشياء اللي بنذاكر منها اللي هي مصادر المذاكرة
يعني كتاب -دفتر - ملزمة وغيره
كل مادة بجانبها مصادر المذاكرة مثل ماهو موضح في الصورة
بعدين نكتب جدول للمذاكرة
بما إني في جامعة فلا يوجد شيء اسمه مراجعة إلا ماندر
فلازم نراجع لوحدنا
يعطونا أسبوع أو أقل قبل الإختبار نراجع لوحدنا
نبدأ بمذاكرة مواد الإسبوع الأول ثم مواد الإسبوع الثاني
بعض المواد تكون بسيطة ماتحتاج يوم كامل أو نكون ذاكرناها قبل فنقدر نذاكر معاها مادة ثانية
أنا لسى ماكملته جدول مذاكرتي
بعدين نبدأ نعزل الأوراق اللي مانبيها
مثلاً تكون للعملي والتطبيقي أو تكون لبحث ويا كثر أوراق البحث
نعزلها عن الكتب والأوراق اللي رح نذاكر منها
هنا أنا حطيتها في كيسة
تتذكرون مصادر المذاكرة
هنا أنا حطيت كل مادة مصادر المذاكرة حقتها
منعاً للبس
ولا تنسين تتأكدين إن كل كتبك وأوراقك ودفاترك عندك
لا تتفاجأين يوم الإمتحان إن كتابك عند فلانة ودفترك عند علانة
أوراق الفسفوريكا < أنا مسميتها كذا
المهم
الأوراق هذي جداً مفيدة
مثلاً تبين تكتبين الفكرة الرئيسية لموضوع من المواضيع
أو تبين تصيغين الفكرة بإسلوبك حتى تفهمين أكثر
أو للتنبيه
وغيرها الكثير الكثير
صورة أخرى
صورة أخرى < أعجبتها السالفة
ولاتستهينين بالوقت وتقولين بكرا ببدأ أذاكر وتمر الأيام وفي الأخير تقولين ليتني :time:
وإذا كان عندك أي شي ناقص كمليه أول بأول قبل الإختبار لا تجين يوم الإختبار وتتفاجأين إن ماعندك المحاضرة أو الدرس
وفي الأخير
أي استفسار أو سؤال إن شاء الله رح أرد بعد الإختبارات
ربي يوفقكم وإن شاء الله يارب تنجحون وتجيبون المعدلات العالية
و
دعواتكم لي ولكل المسلمين إن ربي يوفقنا
وإني أتخرج هذي السنة يارب ياكريم
تحياتي