هدية لكل مولود و راح يقولو لك (ما جانا أحلى منها)

أول شي تجيبي صندوق شكله معتق ... خشبي و بعدين اذا كان المولود ولد :
تحطي في الصندوق :
بشت صغير - دشداشة صغيرة - غترة - عقال - فانلية- سروال مكسر( اللي ينلبس تحت الدشداشة ) - مسباح صغير - بوك صغير للفلوس - قلم صغير - دهن عود (بكيس حلو) - بخور و اضيفي بالكيس الثالث فلوس و اذا حبيتي تتفنين أكثر أضيفي ليرات ذهب أو بروشات ذهب لإغلاق الأكياس و سوف ترين ردة الفعل ... كأن الأم تشوف ولدها معرس وبالنسبة للبنت فهي انك تضيفي فستان شعبي و بخنق صغير و أشياء تصلح تكون دزة للعروس بس أنا أحس ان أغراض الولد أحلى ....وما في أحد سويت له هالشي الا و تشكر واااااااااااااااااااااااايد ...اشرايكم ... لاتحرمونا من ردودكم...