الحقيقه الساطعه :

أنا بقول رأيي وأتمنى تتقبليه بصدر رحب ,أختي العزيزه نورهان أنتي صح أم حنون وحساسه وعاطفتك قويه على بنتك بس أنا أشوف تصرفك غلط ,لأنه مو كل مره راح تقدرين تحافظين على مشاعر بنتك من الغير ,أولا المعلمه حره براتبها وماهي مجبوره على توزيع هدايا من راتبها ,وفيه كثير من المعلمات ظروفهم الماديه صعبه وهم شايلات المسئوليه كامله وأحيانا الميه والميتين لها قيمه عندهم ,ثانيا بنتك ماراح تكونين معها بكل موقف تحافظين على مشاعرها وتدارينها ,كسره الخاطر للطفل تأثر إذا كانت من الي حوله أمه وأبوه لكن من معلمه كل سنه تتغير عادي موقف وراح ينتهي ومصيرها تنسى لاسيما وأنها هديه ,يعني ماضربتها ولاجرحتها بكلام ولا إستهزاء قدام الطالبات ,المفروض عودتي بنتك على مواجهه هالمواقف حتى تتقوى وتصير عادي عندها ,بتزعل شوي بس بكره بتعرف أنه مو كل شي نتمناه نحصل عليه ,ولازم نتقبل أي موقف برحابه صدر لأن الحياه والناس وتصرفاتهم مو على كيفنا حتى لو كانت تصرفات الناس خطاء ,وحاجه ثانيه أنا معك المفروض تهدينهم وتصلحين لهم حفله بس أنتي الله يهديك بالغتي جدا بالهدايا لهم وبكره راح يتعلمون الإسراف ولاراح يملى عيونهم شي ,وصدقيني ماراح يعرفون قيمه الأشياء وبكره إذا كبرو راح تتعبين كثير منهم لأنهم تعودو على الأخذ والطلبات المجابه ,على فكره أكلمك من تجربتي لأني أم دلعت بنتي بشكل كبير مدارس أهليه وحفلات نجاح وأعياد ميلاد (لما عرفت حرمتها وقفتها) أدواتهم وملابسهم أغلى شي ,هدايا من أغلى شي وعمري مارديتهم بحجه عدم كسر نفوسهم ,بس يشهد الله أني ندمانه أشد الندم الان كبرو وأصبحو متطلبين ولافيه شي يملى عينهم ,ومايتحملون كلمه من أحد,فأتمنى أنك تستفيدين من ردي أنتي والأخوات الكريمات وتستفيدون من أخطائي .

أنا بقول رأيي وأتمنى تتقبليه بصدر رحب ,أختي العزيزه نورهان أنتي صح أم حنون وحساسه وعاطفتك قويه...