:26: :26: :26:

تجنن افكاااااااااااركم
خاصة سالفة الجاكيت والله فكره ............. ظنج اسويها !!

السالفه انه مايحب الهديه من اصل:06: :06: :06: :06: :06:

يا بنات ياحلوين في شي ثاني ممكن اتسوونه اوتشترونه
يعني ممكن تشترون قطع خام لخياطة دشداشة (ثوب) بس من الخام الراقي والغالي خلي احد من اخوانج ايسويلج هالشغلة والشغلة الثانية ممكن علي حسب وظفة زوجج يعني اذا عنده مكتب اشتري طقم مكتب(مكون من حامل اقلام حامل اوراق .....امم انا شريت لزوجي بس مو ذاكرة المكونات بالضبط )اتمني فهمتوني !!
اللي يدرس زوجها ممكن اتيب له مراجع في التخصص اللي يدرسه اوكتب كان يبيهم او اذا دراسته تتضمن انجليزي او لغة ثانية فرنسي مثلا اشتريله المترجم في (جهاز بحجم كف الايد يترجم الكلمات ...عرفتوه) في بعضهم فيه مثل الدسكات ممكن اتغيرينها علي حسب اللغة وفي علي مااعتقد دسك خاص للطب
واللي زوجها يدرس طب ممكن تشتريله الموسوعة الطبية مكونة من 12 مجلد بس وايد مفيدة
عسي ياربي اكون افدتكم
:26:

اي بعد للي زوجها يدرس حقيبة اول حامل الاوراق يستحسن لو كان ماركة:26:

غلا دبي

مافي أحد ما يحب الهدية يمكن هو ما يعبر عن هالشي بس الأكيد أنه يحس باهتمامج يوم تقدمين له هدية ..

مادري اللي بقوله اللحين ينطبق على ريلج ولا لا بس اللي اعرفه في ريايل ما يهتمون بشكل تقديم الهدية يعني إذا لفيتيها وزينتيها وورد مجفف وهالسوالف الحلوة هم من ناحيتهم ما يشوفون لها داعي ويحسونها حركات مراهقين (بعضهم طبعاً مب كلهم) أنتي جربي أشتري هدية بشكل عادي بس قدميها بشكل غير عادي

يعني أذكر وحدة ريلها طييييييييينه جداً لا يعبر ولا يشتري هدايا ولا يفهم في هالسوالف وينتقدهن بعد، تعبت وياه وكانت دايم تشتري له عطور وتتعقد انه يا هالعطور يعطيهن حد يا يضيعهن يا ما يستخدمهن ...... بس بعدين غيرت في طريقتها بتقديم الهدية وتأثر وايد..

زوجها كان من النوع اللي يحب يقرا قصص الأبطال الأوليين مثل الزير وعنتر وهذيلا فراحت يوم العيد أشترتله كتاب من هالقصص وحطت ورده في الكتاب وكتبت له في الصفحة الأولى إهداء بسيط جداً .. وحطته له في السيارة على الطبلون .. فلما راح يصلي صلاة العيد لقاه وكانت تراقبه هي من الشباك وقالت ابتسامته كانت شاقه ويهه:42: يعني جداً استانس وتأثر (مع انه ما عبر لها بس بعد فترة طويله قالها انها عجبته الحركة)