هديتك لوالدينك بالعيد

افكر اهدي الغالي العلب اللي اعبيها عود بس تكون كبيره طبعاً مع مبلغ ٢٠٠

وامي فديت روحها افكر اهديها جلابيه مع خاتم ذهب

وش رايكم يابنات في الهدايا هل هي مناسبه او لا
الله يخليهم لنا ويطول بأعمارهم

البرنسيسه روعه هديتك
انا افكر اهدي لامي خاتم وعطر و عبايه وقماش اعجبها نفسها فيها بجيبها لها مفاجئه
بسس قبل العيد يمكن بكره او بعده يارب تكفي فلوسي وترزقني من حيث لا احتسسب
اما والدي الله يرحمه ويجعل قبره روضه من رياض الجنه ويسكن روحه الجنه
ويبنات كل وحده تششوف اش اكثر شي يحبونه ويهتمون فيه وتجيبه لهم لانه بيفرحهم اكثر

داخله أخذ أفكار هههههه بس ما لقيت شي ناسبني

العيد الماضي أهديت أبوي جوال وأمي جلابية ومرررررة انبسطت لأنهم فرحوا بها
اما العيد هذا محتااااااارة
أمي احتمال ذهب خاتم او تعليقه او طقم صغير اذا الذهب مؤ مرتفع
اما أبوي محتارة ماني عارفة ايش اهديه

الله يحفظهم لنا ويطول أعمارهم في طاعته

انا صراحه ودي اشري لأمي ذهب بس مدري عن الأسعار هل مرتفع او لا
والوالد الله يحفظه محتاره مدري وش اجيب له ياليت تنصحوني بشي...طبعا فلوس لا..لأن ابوي الله يطول بعمره ربي منعم عليه..

سعر قرام الذهب اظن 170 بسس عموما تراه نازل يعني يطلعلك خاتم ذهب ب400 ريال ومو غالي على الام ريحه الجنه
والاب شوفي وش اللي يحب واهديه
ممكن دهن عود ومبخره وعود يتبخر فيها
او ساعه او سبحه وخاتم ومحفظه وكبك