السلام عليكم
كيفكم ياحلوين ****الله مبسوطين
اليوم بقولكم قصتنا مع حديقة المرسى
قبل اسبوع او عشر ايام ماني متذكرة باالضبط رحنا ساحة العروض الي عند مخرج 9 وكان مهرجان حلو وعروض السيرك وكان فية هدايا وكان فية معرض سيدة الرياض المهم استانسنا فية مرة ويوم قررنا نمشي واحنا طالعين لقيت عند البوابة كوبونات على السحب بس مادري وشو سحبة كتبت اسم ابوالشباب:arb:وحطيتة باالسحب قلت ماني خسرانة شى يمكن يطلعلنا شى علية القيمة
المهم
اليوم :time: 3 العصر دق التيلفون وردعلية زوجي طلع رجال مصري وقال هذا منزل فلان الفلاني قال نعم قل الف مبروك:35: فزت انت وعائلتك بالسحب على شاليه في حديقة المرسى وهديه ثمينة وقيمةلازم تحضون اليوم انت والعائلة تقضون اليوم في الشالية وتستلمون الهدية وتجيبون معكم اثبات الشخضيه قال زوجي طيب ماينفع بكرة يوم الاربعاء قال لا لازم اليوم قال خلاص وخلص المكالمة وقفل انا كنت نايمة جاءزوجي فرحان قال قومي قومي انتي ياكيس النوم حنا ربحناوعلمني بالسالفة كلها وقمت ماني مصدقة اول مرة نربح:icon28: وقمت وضيت وصليت وزينت القهوة ولبست ولدي على الساعة 5 مشينا يوم وصلنا هناك راح زوجي للادارة الحديقة قال انا الي دقيتو على وقامو المصارية يناضرون ببعضهم مايدرون وش القصة وسالو زوجي قلولة اش اسم الي دق عليكم قالهم اسمة احمد قلولة طيب معكم سيارة تشيلون الهدية فيها قال معي لو تبون ونش جبت قالو طيب اتفضل الستريح الين اندق على المدير يجي يسلمكم الهدية جلس الرجال وبعد5 دقايق جاء مديرهم (يقول زوجي اول ماشفتة غسلت يدي شكة ماورة هدايا) المهم قال لزوجي اول شى خل العائلة تجلس بالجلسة طلع مافية لاشالية ولاشى قال وانكم تقولون تقضي انت والعائلة يوم ممتع في الشالية قال لا ماقلنا احنانقدم لكم خصم على الشالية هو 1200 في اليوم وراح نخلية لكم 400 بس قال زوجي بس قال بس قل طيب وين الهدية قالو الهدية خصم50% على كوبونات في ابحر في جدة وفندق الانتركونتيننتال في الهداء بالطايف العرض الثاني تدفع 8000ريال وتجي بالشالية طول السنة خميس وجمعة حنا خصمنالك 2000 لانة كان ب10000ريال لا وهذا العرض كلة الي قلتة لكم في وقت المدارس فقط قام زوجي معصب قالهم ثاني مرة لاعاد تكذبون ودقون على المسلمين وتقولون :mad: وتقو لون وش
يوديني انا لجدة والطايف باهالوقت ورمى الكوبونات بوجيههم وجاء قال ماراح تروح روحتنا عبث رحنا لثمامة واستانسنا شوي وتعشينا بعمو حمزة وجينا
بس حسبي الله على الي يستغلون الناس ويضحكون عليهم
وهذا هو يومنا المتعب مع ها النصابين
والسلام عليكم ورحمة الله وبركاتة
وتصبحون على خير يالغالين
يلزم عليك تسجيل الدخول أولًا لكتابة تعليق.
الصفحة الأخيرة
حتى احنا صار لنا نفس الموقف في سوق الروشان بجدة
وخرجنا مقهورين كلهم نصابين ويضحكون على الناس الله يهديهم