وبمناسبه خاصة في نفسي
احببت ان تشاركوني فرحتي كما انني احببت نقل لكم فرحتي هنا عبر صفحات عالم حواء
فلله الحمد والمنه خرجت ابنة اختي الغاليه بعد تجربة اول حمل بمولود ذكر
ووالله لاتسعنا الفرحه بسلامتها وسلامة مولودها
فالحمد لله
فقلت في نفسي ....يا لاوسي خليها مفاجأه وسوي هديتك بنفسك
ندخل في التفاصيل احسن بسرعه
هديتي كانت عباره عن جزأين لاتقولون لييه انا مزاجي كذا
الجزء الاول هديه خاصة بأم المولود
والجزء الثاني خاصة بالبيبي
نأتي للجزء الاول
بسيطه للغايه واعترف أن قدراتي متواضعه للغايه بس مو مشكله اعرض لكم كل شئ
كانت عباره عن مجموعه عطريه برائحة شجرة الشاي الاخضر (من كريم وبخاخ عطر وبخاخ جسم رغوة حمام ..الخ )
لو فكرت اشتري المجموعه كهديه من نفس المحل فستكون
اولا مو متكامله بالصوره اللي ابغاها
ثانيا سعرها خيالي
ثالثا بصراحه ما عجبني ديكور الهديه نفسه
وهذا رأيي الشخصي
الان الموجودات التي سترونها في الصوره
احضرت المجموعه مجزأه
واحضرت سلتين صغيره وكبيره (الصغيره فيها عطر بخاخ وعطر مركز وكريم من صنعي بنفس الريحه )
والسله الكبيره فيها العبوات الكبيره
ورق كريشه مقصقص اخضر وشوي اصفر فاتح للسله الكبيره
ورد مجفف يغلب عليه اللون الاخضر
شجرة صغيره ترمز لشجرة الشاي
تغليف شفاف مورد بورود صفراء وشريط للتغليف النهائي
الطريقه
رتبت الكريشه في السله الصغيره
وورق كريشه مع الورد المجفف +كريشه االصفراء وكلها مقصقصه
المجموعه الاولى في السله الصغيره
والكبيره في السله الكبيره بنفس الترتيب تقريبا اللي في الصوره
حطيت السله الصغيره فوق الكبيره
ومع التغليف ثبتت بشكل بسيط
ملاحظه
ارش داخل السله بزيت الشاي الاخضر
والان نأتي للجزء الثاني
هذه والله اتعبتني للغايه:06:
الموجودات في الصوره
سله من الخوص
قماش مشجر مرح
فلين كبير مقصقص الى 3 نجمات _اصفر واحمر وازرق
الهدايا شئ مغلف وشئ مو مغلف
بطاقات تهنئه من صنع ايدي
طبعا (بخاخ الوان +كريشه الوان ومقصقصه +بودرة لماعه الوان +مقص صمغ مسدس )
الطريقه
احضرت السله ولبستها بالقماش بحيث يدخل القماش في الاطراف
بشكل مرتب (وهذا الموقف هنا بالذات لااحسد عليه غراء المسدس كل شوي يلسع ايدي )
مسكت الفلين وقصيت 3 اشكال نجوم بأحجام مختلفه وبشكل عشوائي
ولونتها باصفر وازرق واحمر
وكتبت على كل واحد بيبي بحجم النجمه BABY
قصقصت الكريشه الوان ونثرتها داخل السله بشكل عشوائي
ملاحظه اذا كانت الهديه بسيطه فلازم من الحشوه الداخليه
حشوتي كانت بالونات صغيره +ورق الكريشه
غلفت بعض الهدايا الموجوده وليس كلها
قمت انا والادي بنفخ البالونات لاستخدامها ونثرها بطريقه ملفته
رتبت الملابس بعضها بدون تغليف داخل السله
احضرت النجوم والصقتها بنفس الطريقه اللي في الصوره
وتركتها واضحه في السله
ووضعت كيس فيها ادوات للبيبي
بعض الأشياء اللي استخدمتها
ملاحظه اخرى
ممكن اضافة بعض الاكسسوار للهديه الرئيسيه
من (برواز مصغر +تحف طفوليه +مجسمات صغيره )
هذا شكل الهديه النهائي
ويمكن هذا أقرب
اسمحوا لي هذا الموضوع جلس معي اكثر من شهرين وانا احاول أنزله لكم
وهذا اللي قدرت عليه :32: