ما شاء الله لاقوة الا بالله

ابدااااااااع

سلام اخت آية الله
بالنسبة لعجينة الورق .. انا ما جربتها لكن حاب أخفف عليكو اني أجد بديل عن السايكوت
ولكن والله لم أجد بهاي المواصفات .. الا بتعرفي ايش؟
بجوز تضحكي
أكيد بتعرفي المحدد تبع الزجاج .. هذا البزاز الصغسر ..
فقط هو الي اقتنعت في انو يكون بديل عن السايكوت ولكن حتى لو كان كبير مو بديل منيح لانو ما يتخفف بفقد خصائصو .. وكم مائة بزاز بدك لتنتجي عمل
بصراحة عشان هيك انا مصر تشتروا هاي المادة ..
بدي بس احكيلكو انتو انبسطو على عمل واحد فيها
خليني احكيلكو بعض التطبيقات الاخرى
1- بامكانكو تسووا فيها قالب ..أحسن الف مرة من الجبس لانو متماتسك .. وأحسن من المعجونات لانو بتثنا وما بنكسر .. وتفاصيل دقيقة جدا للقوالب بعطيكو
2- اشتغلت في منظر كان جد تحفة .. أنا ما بدي أحرق أوراقي كلها هههههههههههه لكن مثلا باكانكو تشتغلو في نوافير قديمة بتجنن
3- أباجورات معتقة
ا4-شتغلت فيه على الجلد بجوز جداريات قد شعر راسي ( مع العلم اني لسا شباب ما صلعت ههههههههههه
5-اشتغلت في براويز كتييييييييييييير كان نتبين من نعومتها زي لوحات الفلكس
6- تقريبا كل دروع المدرسة بشتغلها عليه
7- حتى البوليسترين لو تغلفو بالسايكوت بصير مادة تانية .. لو بدكو تكسروا ما بينكسر
8- حتى شغل ازالة الصدأ عن الحديد .. يعني تغليف لوح حديد علاه الصدأ بينفع
9- وأشياء والله كتيرة .. عدا كل هذا عن شغل العزل الحراري ومنع الرطوبة عن البيت
هلا اقتنعتو انكو لازم تدوروا عن هاي المادة ؟


وبالنبة أخت آية الله لترابة التعتيق
إذا كان اللون السبري الي حتستخدمي زيتي .. وهو أكيد زيتي لانو سبري بكون مخفف بالتنر .. طبعا بينفع للتعتيق .. لكن لا ترشي رش .. ولا بتختفي معالم اللوحة حتى لو رشتي من جنب
مع اني حجيبلكو لوحة معتقة بالرش .. لكن بدي شوي وقت .. زي ما شرحت رشي على صحن السبري .. وغمسي الاسفنجة فيها .. واطرقي طرق خفيف على الايات لاو تفاصيل الحروف بتضيع إذا شديتي الطرق
وبالنسبة لاختي سوالف نهار .. قلتي العمل ممكن يكون في صعوبة صدقيني - مو مجاملة الك - لكن الي بتقدر تعمل متل أعمالك الي مصوريتها على المنتدى بتقدر تعمل هاي اللوحة بكل سهولة .. ما شاء الله عندك فنيات وإبداعات .. وكل اشي بدو صبر وتدريب ..ربي يوفقك

بالنسبة للرش ..
جيبوا رشاش الي بترشو على الاواعي لما تكووا - رشاش عادي - ما بعرف شو بتسموا .. وخففوا السايكوت كتير بالمي ولا بسكر رشاش الماء بسرعة
وبس تخلصوا من العمل رشو بالمي لما ينظف لانو مباشرة بسكر اذا نشف وكان في آثار سايكوت
وإذا وحدة منكن مقتدرة .. اشتروا كمبرية هوا صغيرة .. حقها متوسط .. مو غالي كتير .. عنا بالأردن الحجم الصغير..- وانتو ما بهمكو تجيبوا حجم كبير - حقها 60 دينار أردني
وبدكو فرد رش تقريبا بنفس السعر .. النوع الاصلي اسمو ساجولا .. يعني بتطلع الشغلة ب120 دينار أو أكتر شوي ..
لكن هذا راس مال مو خسارة .. بتشتغلو في شغل مستمر ..
وبالنسبة لفرد الاير برش .. أنا استغربت .. بتخيل بعضكو دارس تصميم جرافيكي .. ومعقول ما بيعرف هذا الفرد؟؟؟؟؟
هذا الفرد بس تتعلمو عليه رح تقفزوا بعالم الاشغال اليدوية قفزة مو طبيعية
كيف هلا بشوفكو بتوخدو صفحات كتير على مواضيع معينة .. طبعا مهمة .. رح بس تتعلموا عفرد الاير برش توخدوا متلها أو أكتر بتبادل الخبرات في الاعمال الفنية الي في

أخت آية الله استدراكا على ما قلت أنا فهمت سؤالك عن القارورة بديلا عن الاير برش.. قلتلك بتكون بديل ..لا قصدي بديل عن الرش العام .. الي بكون عن اللوحة كلها .. أما اير برش بسمو فرد تظليل .. وهذا ما في بديل عنو ابدا ابدا .. إلا انك تظللي يدويا بالفرشاي .. ولكن أين تظليل الفرد ونعومة من تظليل اليد مع انو تظليل اليد لها للمحترف جمال برضو لكن بدها وقت واحتراف جد .. لكن صدقوني فرد الاير برش شغلو قوي .. انا حفرجيكو لوحة قبل شغل الفرد وبعدها وتحكموا عليه وتشوفو أهميتو

ما شاء الله عليك اخي الكريم
تسلم ايديك
شغلك كتير متقن و مرتب