كيفكم ان شاء الله تمام؟!
أول شي أحب أوضح لكم انه الهدية مو بقيمتها المادية وانما بقيمتها المعنوية
وكل ما كانت الهدية من صنع يدك كل ماكانت قيمتها أكبر صدقيني
انتي شوفي اش حيكون شعورك لو صديقتك سوت لك هدية بإيدها ؟؟
اكيد بتفرحي ويكبر قدرها عندك وتعرفي انها من قلبها.
والرسول صلى الله عليه وسلم وصى بالإهداء لقوله: (تهادوا تحابوا).
ثاني شي الهدية احلى شي لما تكوني عارفة انه اللي حابه تهديه هي يتمناها او نفسه فيها زي ما سويت انا وحأجيكم بالكلام..
اليوم انا جايبه لكم هديتي المتواضعه لصديقتي الغالية اللي فرحها ان شاء الله بعد أقل من شهر..
هي عبارة عن علبة عادية وعندي من زمان.
جلدتها بتجليدة سوداء شامواه (قطيفة)
وأضفت عليها بعض اللمسات اللي غيرت من شكلها تغيير جذري..
وكان الستايل العام أحمر وأسود.
والهدية كانت بدلة رقص شافتها بصورة ومررره عجبتها فبحثت عنها بالنت بكل مكان ودورت وحدة تبيعها والحمدلله لقيت وحدة اسمها *زنبقة الوادي* واشتريتها منها.
وكتاب اسمه عسليات زوجية كمان شافته عندي ومرة عجبها بس لسا بكرة ان شاء الله حاجيبه.
أتمنى تعجبكم.
▼
▼
▼
▼
▼
▼
▼
هذا شكلها من بره:
وهذا من الجنب:
وهنا من داخل العلبة مع الغطاء الخارجي:
وهذا الغطاء لصقت عليه ورقه على شكل قلب ❤ وشريطه.
ومن داخل الغطاء حطيت رسالتين ولفيتها بشريطه ناعمه وشوية ورد مجفف.
وهذي صورة اقرب:
ورشيت بالعلبة من جوه ورد مجفف احمر وحطيت الهدية بس لفيت كل قطعة بشريطه حمراء.
