هديتي لكل عروسة وباقي على عرسها ايام💐

السلام عليكم خواتي وحبيبتاي..
قبل اي شي الف مبروك لكل مخطوبة او
مكتوب كتابها والله يتمم لكم على خير،،هذه نصاىح بسيطة مني لحياة زوجية سعيدة وبأذن الله بتعيشون في استقرار وهنا لكن ابغي الفت نظركن لأمور جدا مهمه من اول المكله لين بعد الزواج:
فترة الملكة😊: طبعا هذي اجمل فترة بين العروسين لكن في امور لازم تنتبهي لها انتي عشان يتم باذن الله الزواج على خير:
1-إذا طلب رقم تلفونك واخوانك وامك موافقين والوالد لا تردي طلبه واستغلي عذه الفترة تدرسي فيها شخصيته شو يحب شو يكره اهتماماته نمط حياته عشان تقدري تتاقلمي عليها وانتي في بيت اهلك
2-إذا سمعك كلمتين حلوات لاتصيري لوح وتسكتيه ولا تصيري سهله وتقولي مثله وزود😒قولي وانا بعد ابادلك الشعور وبس..
3-ااذا طلب منك تسمعيه كلمة حلوة قولي ياليت بس مايصير مملكين خلها لبعد الزواج ولا أنا ودي(بيني له ان عدم تحديد موعد العرس عائق والحل العرس)
4- لا توقعي على ورقة عقد زواجكم الا وانتي حاطة كللل شروطك من مهر شبكه مقدم ومؤخر وذهب تضمنين حقك فيها وخليها مكتوبه بالرقم لا تخليها فاضيه..ياااما بنات تطلقن سواء قبل العرس او بعده ولا تشوفي العقد اللي ممكن يحميك من غدر الرجال لو طلع حقير تكتشف غبائها لما تهاونت في شروطها على اساس تكسبه
ليلة العرس:شنطة الفندق لا تحطي فيها لبس نوم مثيير بياخذ عنك فكرة جداا سيئه..ولا تتمايلي ولا تسوي شغلات غريبهليلة العرس كوني الخجول اللي تلبس طويل افضل لك
بعد العرس:فترة شهر العسل في بنات ما يسافرن شهر عسل ايام ولا شهر داخل البلد وخلاص تروح بيته هذي النصائح مهممممه جددداااا من هنا لين السما اذا خذتي بها انتي بألف خير
1-لا تتفرعني وتسوي فيها طباخة ماهرة ..ولا تقولي انتي او خواتك او امك لأمه انك طباخة شاطرة او مرتبه او او..لا تظهري مميزاتك في اي مجال طبخ او غيرة لأنها بتتوقع منك شي وممكن تشوف في نظرها هي شي ثاني وممكن تنتقد امك وتطلعها العفو خداعة وخدعتها فيك
2-اطبخي اشياء بسيطة لما تساعدي خالتك:سلطه،تقطيع،عصائر اي شي بسيط..كيك جاهز اكثر من كذا قولي ماااال اعرف لأنه ممكن تسوي ومايعجبها وتقول ماتعرفين تسوي اكله مش لانك ماتعرفي لأ لانهماعجبها هي
3-لما يناديك زوجك ارمي اييي شي من ايدك ولبي النداء..الرجل يكره ينادي زوجته اكثر منه ولا تجيبه..
4-لا دخل البيت رحبي فيه حتى قدام اهله واخوانه يشوفوك نعم الزوجه وهو يفخر فيك وتكبري بعينه
5-اذا طبختي شب او سويتي شي نصيحه مني مجربه لا تتكري اكلتك وفي احد تعرفي انه ماييي لك خير خليك لين تخلصيها ماتعرفي كيدهن عظيم ممكن خدامتهم او حد من حريمهم خصوصا اذا مدحوك قدامهن ماتعرفي
6-لا تسوي شي من كيسك زيادة..لا تتجملي بطبخة لاهله تبتلي وينكر ظهرك كل يوم تسويها سوي شغلة واحدة وبسيطة لين تعرفين ذوقهم
7-الطبخ اللي تعلمتيه عند اهلك انسيه لأنك داخله بيت له طريقه مختلفة واكل غير وطريقه ونظام غير كأنك باديه من الصفر..لان زوجك امه واخته في نظره محد يعرف يطبخ غيرهن فلذلك بلا عناد وسوي كذا..
8-كوني جنبه ومعاه يوم تطلعون من الغرفة واجلسي جنبه اذا دخل المكان بعد ما تلبي طلبه الزوج يحس بفخر والزوجة بأمان لما تجلس جنب زوجها ويحط ايده على كتفها
9-لا تغسلي لبسم قدامك لأن نفسهم تقرف..وملابسه النظيفه اكويها وبخري..بالذات لبس البيت..وغرفتك نظفيها وعقميها ولا تخلي ذرة غبار عليها..وبخريها دوم وهويها يوميا الصبح وفراشك كل ثلاث اربع ايام جدديها وسوي لسريرك نيو لوك
10-عوديه على باقة ورد تاخذيها له كل فترة تصبحيه بها عشان يبادلك وياخذلك تزيد محبتكم
11-اذا كلمك عن اسرار اهله لاتفشيها..وان نبهك من احد من اهله فاسمعي كلامه وانتبهي..واذا قال لا تسوي الشغله هذي اكرهها نفذي حالا وتعودي واحذري ثم احذري تسويها..الزوجه لما زوجها ينبهها من شي يكرهه لازم تتجنبي حدوثه قد ما تقدري
12-انتيهي لكل كلمة تقولي واوزنيها وقلبيها ولو شفتيها صح قولي..الرجل بطبعه ابدااااا ما ينسى الكلمة الجارحه حتى لو تجيبي الدنيا في كفه وبيظلي كل مرك يذكرك فيه:تذكري يوم قلتي كذا وكذا
13-بيت اهلك امك اخوك اي مشكله يواجههوها لا تبينيها له بيشوفكم عائلة مفككة فانتبهي..
14-اي امر يطلبه نفذيه دون زيادة او نقصان لا تقصري ولا تزيدي مثل ما طلب بالضبط نفذي
15-اكسبي رضا امه قد ما تقدري حتى لو هي ما تتعاشر حبا في زوجك حبيها واعتبريها امك بس في المقام لا تقولين لام زوجك يمه لأنها بتشوفها منك مجامله او كذابة..خالتي وبس
16- امر الحمل لا تأجليه اطلبي حقك منه وان قال لأبنأجل لا توافقي الزوج يدرس زوجته في هذا الوقت عشان لو شاف عليك شي او زهق منك طلقت وابتليتي انتي والبيبي..
17-اذا عصب وسب مثلا دون قصد اسكتي لا تزيديها ووقفي خليه يتكلم لللين يقول بس وبعدين اطلعي او انشغلي عنه يفكر بكلامها ويتاسف لك
18- عوديه اذا زعلك يراضيك..اتركيه لا تهتمي له كثير اعطيه حقه من اكل واهتمام مب شي ثانيوانتي مبوزة وزعلانه بس بدلع
19-امه مهماتعاديك وتكيدلك تحملي تكسبين ريلك وهذا الأهم،لا تحملي في قلبك لها ولو دخلتي مكان لا تروحيه الا وزوجك معك ما بتقول كلمة تغثك مثل ما تسوي في غيابه
20-خذي لها هديه بسيطه كل ما تطلعين للسوق او بيت أهلك تتقوى المحبه
وبس والله يهنيكم ويخليكم لبعض ويجعلها زواجة الدهر