شحالكن خواتي ؟
اليوم حبيت ارويكم طريقة البراونيز .. من ألذ وابسط وأسرع الحلويات .. فيه ناس يقدمونها مع الايس كريم وصوص الجوكلت الهيرشي .. وفيه ناس يحبونها ساده مع القهوه .. طبعا الخيار لكم في التقدييم .. بس انا احبها ساده بدون اي اضافاات ... ما بطولها عليكم ..نبدا في المقادير
المقادير انا قسمتها ل 3 خلطات ..
اول خلطه :
200 جرام زبدة غير مملحه (المراعي)
200 جرام شوكولاته سوداء وانا افضل هذا النوع
نقوم في البدايه بتذويب الشوكولاته مع الزبده على حمام مائي
الحمام المائي هو عباره عن قدر فيه ماء يغلي ومجرد ما نحط الوعاء الزجاجي الذي يحوي الشوكولاته والزبده نطفي النار ونقوم بتحريك المزيج
ثاني خلطه :
كوب من السكر البني الفاتح أو اذا ما توافر عندكم ممكن تستعملون الغامق
بصراحه افضل هذا النوع
نضيف السكر البني الى مزيج الشوكولاته والزبده قبل ما تبرد عشان يذوب السكر ..
نترك الخليط شوي عشان يصير دافي لا هو حار ولا هو بارد
ثالث خلطه :
3 بيضات
ملعقه صغيره فانيليا سائله أو نص ملعقه صغيره فانيليا بودره اللي متوفر عندكم
نخلط البيض والفانيليا مع مزيج الشوكولاته الى ان يتجانس ومن ثم نستعد للخلطه الاخيره
رابع خلطه :
3 ارباع الكوب طحين رقم واحد
ملعقتين كبار شوكولاته بودره
ملعقه صغيره بيكنج باودر
يتبع ..
ندخله الفرن على درجه حراره 200 مؤيه (للفرن الكهربائي )
اي على درجه حراره 360 درجه فهرنهايت لأفران الغاز
طبعا نختار التسخين من فوق وتحت
لمده 20 دقيقه بالضبط
ومن ثم نخرجه من الفرن ونتركه لين ما يبرد وبعدين نقطعه مربعات ويقدم
بصراحه الطعم ولا اروع .. يذووب في الفم .. وكل من ذاقه سأل عن طريقته .. اتمنى انه ينال اعجبااكم وتجربونه واشوف تطبيقاتكم
لا تنسوني من دعواتكم
اختكم بنت زايد