هديتي لكم ..تجربتي مع الرجيم..ونتيجتة ..

السلام عليكم ورحمة الله وبركاتو


كيفكم خواتي الرشيقات؟؟

وكيفكم مع الرجيم؟؟


انا قررت اكتب تجربتي الكاملة مع انقاص وزني للفائدة وتشجيع لكم حتى تشدو الهمة وتصيرو رشيقات


قدر الله علي بعمليتين قيصيرية ..وزاد الوزن بعد الحمل15 كيلو وانا من الاساس وزني زايد عن المثالي ب 6 كيلو لكم ان تتخيلو حجم الاحباط اللي شعرت فية ..مانسى ابد اول ولادة لي بعد الاربعين مباشرة كان عندنا مناسبة وجاني احباط شديد من جسمي ومالقيت شي يناسبني وحسيت بعدم ثقة مررررة وبتضحكو علي بس جاتني لحضات كنت اقرر اني مااحضر ..بس هالاحباط جاب لي الكسل زيادة ولما عرفت المحلات اللي القا فيها مقاسي الجديد تكاسلت كمان وكمان ...وحملت بولدي الثاني بفترة تسع شهور وانا مانزلت وزني واعطيت نفسي هواها بالاكل بحجة اني حامل وهاذي اكبر غلطة (حامل كولي موفيد مو سنكرس )هههه وللاسف جاني سكر حمل




ولدت ولا يزال وزني زايد واصلة ل78 وانا المفروض مايزيد عن 58 يعني زيادة 20 كيلو

جاني فتور مو طبيعي ودي انزل وزني لاكن ماعندي همة مافية تشجيع ..ولما صارت الصيفية جاني كم كف صحوني (بصراحة محتاجين هالكفوف من فترة لفترة ) تعالي شوف اللبس والمناسبات وانا ادور شي مقاسي مادور شي يعجبني ...الناس اللي تفاجئو بشكلي واللي تقول الدقن الدبل تطلع لبنت النعمة وهي تطالع بدقني (الا قصدك لبنت الكسل)واللي تقول لقيت لك شي ينزل الوزن واللي ازورها وتحلف علي بشاي صيني حق التخسيس


رجعت من الصيفية ولقيت نفسي نازلة 3 كيلو وحلفت انها ماترجع من غير شر وبديت احافض على نزولي واسعى اني انزل زيادة


نصيحتي الاولى

(سوي رجيمك الخاص فيك )
مافي احد يعرف للي تبلعينة اكثر منك حددي وجباتك باشياء تحبينها ومستساغة ومنخفضة السعرات ..ومتوفرة دايما بالبيت لان من الاشياء اللي تخلينا نترك الرجيم عدم توفر اغراضة او عدم استساغتك لاطباقة


كان فطوري كورن فلكس فتنس والكمية طاسة صغيرة مو مثل حقت الدعاية ...

اتغدا لقمتين من غدا العايلة اذا كبسة اخذت ملعقتين وحطيت جنبها صحن سلطة كبير اتبلها بالفلفل واليمون والنعناع واحيان ملعقة صغيرة من متبل السلطة ونص صدر دجاجة...


العصر اخذ لي فاكهة واليل اتعشا سندويشة خبز بر مع ملعقة جبن وشطة واعبيها خس وخيار وطماطم


رمضان كنت اكثر صرامة
افطر حبة سنبوسة وطاسة شوربة واتعشا السندويشة واتسحر الساعة وحدة طبق سلطة كبير بس كنت اكسر فية شابورة او اسلق معة مكرونة وابدع بالتتبيلات واضل اشرب ما الى الفجر وبعدها امسك غصب عني عشان الصيام بصراحة نزلت بعد رمضان اكثر من 5 كيلو وماكنت احسس نفسي بالحرمان بالعكس اذا حصل وكنت برا البيت واحد ضيفني ماله داعي اقول لهم رجيم كنت اخذ المعمول مثلا واكل نصها واكلم نفسي بسري واقول هذا هو طعمها مافي شي جديد لية تخربي جسمك عشان شي شبعانة فية

نصيحتي الثانية

(اكتمي امر رجيمك)

عشان ماحد يتفلسف ويحلف عليك ...

بعد رمضان


شريت بدلت العيد اصغر من مقاسي وانقفلت وصارت مررة شيك وانا فرحانة بنفسي جدا مع انة ماحد لاحض ضعفي الا الميزان و اختي الصغيرة

اخذت بريك ايام العيد لاني لاحضت ان صار وزني مايتحرك على الميزان بالرغم من اني مواصلة في التخفيف ..رجعت كيلو خلال اسبوع ورجعت شريت ردتكيل وشديت الهمة اني انزل الباقي


نصيحتي الثالثة

(بريييك) اذا ثبت الوزن راح تلقي انك تنزلين بجنون بعدها


بديت بالردتكيل بس ماكنت اخذة يوميا اليوم اللي ابلع فية خصوصا بالبداية كان يجيني صداع والارق استمر معي الى ان انهيت العلبة ماحسيت انة انسدت نفسي مرة بقد انة عطاني همة اني اواصل يعني مفعولة بعقلي بس كانت النتيجة مرضية وصلت معاة 67 يعني نزلت 10 كيلو والكل بدا يلاحض



عيد الحج بدا وزني ينزل بس صار بتباطوء ومن عيد الحج الى الان مانزلت الا 3 كيلو وكمان واحد منهم طاع نازل ..انا ابي انزل كمان 4 كيلو الى نهاية شهر 2 لان عندي مناسبة وابي ابهر الكل بس عندي عمتي وعمي بالبيت واحس اني ضيقت خلقهم كل ماحطيت سفرة قلت اعتذر انا اسوي رجيم حسيت اني مش مضيافة بحركتي هاذي سرت اسمح لنفسي انقنق شوية بس حريصة من المقالي والمعجنات والرز ماحط يدي فية


انا اتوقع لو عندي همة كان قمت حركت هالسير اللي يبس لاني ماسوي رياضة مع اني اعرف اهميتها ..


نصايح من تجربتي


خلي اهدافك بعيدة يعني اذا نزلتي 4 كيلو بالشهر حاجة مرة حلوة واعرفي ان اغلب الرجيمات اللي تنزل اكثر من كيلو ونص مش صحية بالرغم من انها مغرية هذا غير الضغط وانك حاسة بالحرمان راح يولد انفجار وراح ينزل مويات من جسمك اكثر من دهون وبمجرد ماتتركين رجيمك راح تلقين ان كل تعبك راح


ادرسي نضام اكلك واعرفي وين الخلل وصلحية ..كنت اعتمد على السندويشسات والوجبات الخفيفة ..وملغية السلطة والفاكهة بمجرد ماقررت اني اعدل هذا لاجل صحتي لقيت وزني في النازل وبشرتي صارت منورة



لا كل قبل النوم ب3 ساعات على الاقل

اشربي ما قد ماتقدري


حطي لك هدف بعيد مناسبة معينة وقرري انك راح تلبسي لها اصغر من قياسك مرتين ..


اذا شفتي ان همتك فترت بعد مدة وجاك احباط من ثبات الوزن سوي نيو لوك اصبغي قصي حسسي نفسك بان اللي سويتية مو قليل وانك قادرة انك تكملينة





ادعولي بنات اني اقدر انزل اللي باقي لي واوصل لوزني المثالي بصحة وعافية