هديتي لكم ((جدول الخطه السنويه)) كما وعدتكم!!

الحين نجي للاعمال اليوميه :

ابنزل مثال جدول على ايام الاسبوع

ايام الدوامات:

الاستيقاظ الفجر واداء الصلاة وقراءة القران واذكار الصباح

تجهيز الافطار للزوج والابناء اثناء الدوام

بعد ذهابهم اداء سنه الضحى

اخراج اللحمه من الفريزر<<< علشان تعرفون اني دقيقه

والعوده للنوم

ثم الاستيقاظ حسب نظام البيت ( يعني اللي زوجها يرجع بدري تحاول تصحى بدري علشان تجهز الغداء واللي مايجي الا متاخر لو ماصحت الامتاخر مايضر )

بعد تجهيز الغداء وتناوله :7_2_103v:

طبعا على طول ننظف المطبخ وبعد العصر او اللي يخلصون بدري وزوجها ينام الظهر :arb: اذا نام تبدا ترتب بالبيت وتشوف اشغالها وفيه احد يحب يسوي اشغاله الصبح بدري كل وحده وحسب ماترتاح له ويناسبها :3_13_12:

وبعد العصر ماننسى اذكار المساء

وماننسى نخصص لنا على الاقل ساعه باليوم نحفظ فيها قران ونقرا تفسير المقطع اللي تم حفظه

ونخصص لنا وقت للقراءة العامه

ووقت للابناء مثلا مذاكرتهم وتدريسهم

ونبدا بتجهيز العشاء

وبعدها ينامون العيال وابوهم :40:

تدخلين لعالم حواء بس لاتطولين مره وبعدين تسهرين ماتنامين وتنسين الغداء :024:



وماننسى صلاه الوتر وقيام الليل حسب الاستطاع على الاقل نحرص على الشفع والوتر

وبرضو الاستغفار والتسبيح والتهليل يكون اللسان رطب بذكر الله

وماننسى اذكار اليوم والليله ونحاول اننا نحفظها مثل اذكار النوم والاستيقاظ وقبل الاكل وبعده والخروج من المنزل والدخول وغيرها من اعمال اليوم والليله وطبعا اذكار الصباح والمساء والكتب في هذا المجال كثيره

وبالنسبه لتنظيف البيت العميق يعني مثلا تغسيل الملابس وغسل الحمامات وترتيب غرف النوم والمجالس وكل البيت عموما :3_13_11:

يختلف من وحده لوحده يعني فيه اللي ماعندها اطفال كثير ممكن تقسم شغل البيت على ايام الاسبوع كل يوم شي

ومره كل شهر يكون تنظيف عميق مره يعني ترتيب الدواليب وتعزيل وغيرها

واللي عندها اطفال كثير وماعندها شغاله اول شي تحاول تعودهم يساعدونها بالشغل وترتب وقتها على مايناسبها

وماننسى نخصص على الاقل يومين بالاسبوع نهتم بصحتنا ونسوي رياضه :7_5_127:


نجي لنهايه الاسبوع

الاربعاء بتروحين لاهلك او اهل زوجك :

اعمالك بتسوين حلا بتروشين عيالك وبتجهزين لبسهم وانت بتلبسين <<< اشياء كثيره وزحمه هذا غير الغداء ومواعينه


اول شي انت عارفه انك بتطلعين من قبل بيوم

جهزي لبسك ولبسك عيالك وجهزي شنطهم <<< تحسينها اشياء تافهه لكن توفر وقت وجهد

واذا بتصلحين حلا مايمنع تصلحينه قبل بيوم مثلا بالليل وفيه اشياء ماتخرب

وبكذا بتكونين مرتاحه وماعندك الا انك تتروشن وتروشين عيالك وتلبسون وتطلعون

ونفس الشي مع يوم الخميس وماننسى نصوم ونحاول باهل البيت يصومون خاصه اذا كان الوقت شتاء يكون النهار قصير

ويوم الجمعه احس يوم استجمام الواحد يبي يريح بالبيت ويجلس يرتب نفسه عقب الاربعاء والخميس وطلعاته وحلو يكون يوم تجتمع فيه العائله وماننسى نقرا سوره الكهف ونخصص كل جمعه نحف كم ايه منها لين مانختمها حفظ

ونراجع حفظ الاسبوع


هذا اللي جاء على بالي وادري انه مو زي ماانتم متخيلين لكن هذا اللي قدرت اكتبه لكم واتمنى ينفعكم ويفيدكم واي وحده عندها تعليق او اضافه مايردها الا الكيبورد :21:

:26:

وهذي ورده هديه مني لكم

الله يعطيك العافيه ويجزاك خير ويبارك لك في عمرك وعملك ويمد في عمرك على عمل صالح ويرضى عليك ويسعدك

تسلمين كفيتي ووفيتي ........
اناأقترح ان كل وحده تكتب بورقه بدايت كل سنه الاهداف التي سوف تحققها هذا العام ..
وتعلقهابغرفتها وتسعى طوال ايام العام لتحقيقها حتى لاينتهي العام ولم نستفد شي ..

صيغة التكبير:

أ)الله أكبر. الله أكبر. الله أكبر كبيرأ.
ب‌) الله أكبر. الله أكبر. لا إله إلا الله. والله أكبر. الله أكبر ولله الحمد.
ج‌) الله أكبر. الله أكبر. الله أكبر. لا إله إلا الله. والله أكبر. الله أكبر. الله أكبر ولله الحمد.