هذي الله يسلمكم وحده من صديقاتي جالها بنت وحبي اهديها هديه مميزه في التقديم
بحثت في النت لقيت معظم الهدايا تعتمد في شكلها على الحفاضات فما اعجبني شكلها واعتمدت على الفكره وبديت اشتغل
طبعاً انا شريت الهديه من كم يوم لكن ما غلفتها إلا قبل اروح لها بساعه والسبب كسل وما توقعت إني بروح لها في الوقت هذا
فبسرعه رحت احوس وافكر الهديه كانت عباره عن طقمين ومفرش وبربتوزين هذا الطقم الاول والثاني ما امداني اصور من العجله
الطريقه : اخذت صحن بلاستيك شفاف ولفيت عليه المفرش الابيض بشكل دائري ولفيت الطقم الزهري بشكل رول وحشيته في داخل الدائره بعدين اخذت صحن ثاني اصغر من الاول ولفيت المفرش الزهري بنفس طريقة الاول ولفيت الطقم الموف بوسط الدائره وحطيت فوقه دميه زينتها بشريطه زهريه وكمان لفيت على المفارش شريط زهري وزينته بالورد ما كان عندي إلا هذا اللون بعدين اخذت كيس ملابس اللي يجي من المغسله وغلفت به الهديه وفي الاخير ما اعجبني فأظطريت ارسل:arb: يجيب لي كيس تغليف من براء على بال ما اتجهز واجهز بناتي وهذي الصور تحكي
هنا بعد ما غيرت التغليف لا تدققون في الحوسه
اتمنى تكون الهديه اعجبتكم والفكره كانت سهله وواضحه
واستودعكم الله في عمل وفكره قادمه لو شفت منكم تشجيع
