هديتي ٥٠ الف و عمره وانا رفضت

السلام عليكم ...

بنت عمي عندها مشكله و حابه تشوف رايكم هنا وبكل صراحه ،،،، ....
يا اخواتي انا في هم من يومين مايعلمه الا الله ....
سكنا فله جديده لنا ٩ شهور و الحمدلله مبسوطين وداخل المنطقه بحي معروف وفيه كل الخدمات ... وفجأه بدون سابق انذار قرر زوجي يبيع الفله تكلمنا و تناقشنا وحاولت اغير راي الرجال بس مافي اي تغيير مازال مصر على رايه ، و ناوي يشتري بيت ثاني بمخطط جديد مافيه خدمات ... وعذره ان الحي اللي حنا فيه زحمه و ازعاج و مافيه راحه بسبب انتشار الكافيهات و تجمعات الشباب بالحي و يبي يبعد عن الازعاج وانه يخاف علينا ، و انه يبي يربي عيالنا بعيد عن الازعاج وغيره ...

وش رايكن كلامه منطقي ؟ انا عجزت مره معه و مره ضده ابي البيت و الحي و احس ماتهنيت ببيتي ، وان كلامه غير منطقي .... حتى قال لي اذا بعنا الفله لك مني ٥٠ الف هديه و اوديك عمره و رفضت قلت ابي بيتي ......
ومازال الرجال مصر على قراره ....