بسم الله الرحمن الرحيم
بعد انقطاع اكثر من سنه رجعتلكم
حبيباتي كيفكم؟وكيف ادنيا معاكم؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في فترة انقطاعي تعلمت عده اشياء حبيت اكتب عنها وطبعا اللي صار لي مو مهم لان المهم ايش اتعلمت من تجاربي
وابغا اشوف ارائكم في كلامي.
بدايه انا بنت عمري 23 سنه وعندي طفل الله يخليه لي ومتزوجه من 4 سنين من قريبي (ولد عمتي)
اتزوجت على عمايا .وزي ما يقولو الحب اعمى .
عمتي كانت سبب في كرهي للزواج خاصه انها كانت ضدي وعلى طول تعاملني كاني وحده عمرها 30 سنه ودايما تقارنني ب بنتها اللي اكبر من 10 سنين حتى زوجي اللي كلمته من كلمه امه والراي الاحسن راي امه
انا صراحه كان عندي جهل في المعامله مع الزوج كنت على نياتي وكنت بنت راخيه راسها ما ترفع عينها حتى على الحق
يعني اتهزا وانضرب واسكت.اتحاسب على كل كلمه وعلى كل خطوة وعلى كل تصرف مافي مراعاه اني لسه 18 او 19...متوقع مني اني اسوي الصح واذا سويت الغلط اكون متعمده.
امي الله يخليها لي مرة تعبت وابوي كمان لدرجه جاهم السكر من كثر ما هما شايلين همي ومقهورين من وضعي
لا زوج ولا ام زوج اللي هيا عمتي..
وبعد ذا كله بعد فترة صرت حكيمه في تصرفي في كلامي في كل شي
بس ذا ما يمنع اني اغلط...بس اتعلمت ووعيت للصح وكبرت وصرت اقول لكل مشكله حل وربي قادر على كل ظالم
والله يا بنات اني ما ادعي ولا اغلط ولا اسب بس اقول حسبي الله ونعم الوكيل والله ثم والله اني الاقي العون من الله
والحق يظهر من فوق خشم الكبير والصغير.
وهذي بعض النصايح مني لكم وكلي امل انكم تستفيدون منها وقبلها اقول للامهات واللي يعرف امهات والبنات كمان
لا تستهونوا بالزواج وقبل يا امهات ما تعلموا بناتكم الطبخ والتنظيف علموهم كيف يتعاملون مع ازواجهم
............
*قبل كل شي ياليت كل وحده فيكم تدعي الله كل يوم ان ربي يرزقها الحكمه والثبات
*خليكم على ثقه انكم محاسبين على كل كلمه تقولوها لا تسبوا ازواجكم ولا تقولوا اسرارك لاحد الكل عندو مشاكل
لا تخلي عدوك يتشمت فيكي بالمقابل توجعي قلب اللي يحبوك اولهم امك وابوك
*الدنيا مو كلها سعاده لازم منن المشاكل بس خليكي على ثقه ان الحل موجود بس انتي كبري عقلك ولا تتسرعي
افهمي نظرة زوجه للموضوع وحطي نفسك مكانه عشان ما تندمي على شيء صدر منك ممكن ووارد انك انتي على غلط بس مو شايفه*خافي الله في زوجك وفي ماله وفي اولاده ذولا امانه في رقبتك انتي مسؤله امام الله عن كل شي
لا تقصري في حقه لا تقصري لا تقصري لان الرجال ممكن ما يتكلم وقتها بس وقت الزعل صدقيني رح تتفاجئي انو
حاسب كل شي وحافظ اغلاطك كلها ووقت الجد يعرف كيف يطلع نفسه من المشكله
*الكلمه الحلوة صدقه والدين المعامله عاملي زوجك بحب وكلميه بحنان رح يحن عليك ولو بعد وقت طويل
اللي تبغيه يسويه لك انتي ف البدايه سويه رح تعوديه على كل شي حلو انتي تبغيه
*احتوي زوجك وخليكي الكل ف الكل والله يا بنات الوحده من غير زوجها ما تسوى واللي خرجت من بيت اهلها صعب صعب ترجعله صعب خاصه اذا كان فيه اطفال
*احمدي ربك اذا كان زوجك زوج صالح ودايما فكري باللي اسوأ منك رح تهون عليك مشكاكلك فكري بايجابيه في زوجك شوفي ايش الشي الحلو فيه مو بس عيوبه
*الزواج ما يمشي الا بالتطنيش والتنازل لا تخلي الاشياء الصغيرة زي روحه سوق او فلوس تكون سبب في ضياع زواجك عديها...مو كل شي لازم يكون على مزاجك الرجال مو مفصل على كيفك راعي ظروفه وبيني له انك مقدرة ظرفه وعادي لو انو انزنق وما قدر يعطيكي او ان طلب منك فلوس عادي هذا زوجك يستاهل*الزواج مشاركه مو حلبه مصارعه الكل يبغا يثبت وجهه نظرو والكل يبغا رأيه هو اللي يمشي ...لا والف لا لازم من الاخذ والعطا لازم تتفاهمو عقليات بعض وتحترمو وجهات نظر بعضكم بدوون عصبيه
*
اذا زعل زوجك ابعدي عنه وبعد ما يهدأ ناقشيه بأدب عن الموضوع وقت الغضب ممكن الواحد يتصرف بتصرف ممكن يهدم حياتك كلها على ولاشي يستاهل*التجديد في كل شي لازم
*
بيتك عنوانك اكثر من كذا ما يحتاج اقول
*زوجك حق سهرات ويشوف مقاطع مو حلوة في الجوال طيب اوكي طنشي بس اهتمي بنفسك واشبعي رغباته
والله لو انه جنبه مين مارح يهتم واذا حاول يمدح احد من الحريم لا تقلبيها نكد عادي بس فهميه ان المقارنه ظلم
مو كل الناس زي بعض
*اللي ما ترضيه على نفسك لا ترضاه على غيرك<<<على طول اقولها لزوجي
==========================
تعبت والله اكمل بعدين عندي الكثير وابغاكم تشاركوني
في امان الله
loara2 @loara2
عضوة
يلزم عليك تسجيل الدخول أولًا لكتابة تعليق.
الله يعطيك العافيه اختي
والله شكلك تعبتي وعانيتي كثير
الله يكون في عونك
والحمد لله على كل حال
والله شكلك تعبتي وعانيتي كثير
الله يكون في عونك
والحمد لله على كل حال
الصفحة الأخيرة
إكتسبتي وتعلمتي القدرة على التعامل والتحكم في المواقف في فترة بسيطة
الله يزيدك من العلم النافع
ويريك الحق حقا ويرزقك إتباعه
ويريك الباطل باطلا ويرزقك إجتنابه