هذا إحتياجي.. يا أهل الخبره تنصحوني بأي جهاز؟

السلام عليكم ورحمة الله
أحتاج أشتري جهاز يكون فيه المواصفات التاليه:
يغنيني عن حمل اللاب توب معي الجامعه كل يوم.
فيه منفذ للطابعة ومنفذ لليوسبي هذا شي مهم جدا وضوري بالنسبه لي.
سريع في التصفح خصوصا إني أبحث وسط المحاضره عن معلومه مع الدكتور يعني أبيها بسرعه.
ياليت الحجم يكون صغير .
البطاريه تكون مناسبه ما تفضى بسرعه.
*بالنسبة لبرنامج الاندرويدر وش يستفاد منه؟معليش أنا عليميه وحابه أستفيد
هل نزل فيه وورد أنا حابه أكتب البحوث و بعد أفتح الإيميل وأنزل مقاطع صوتيه وكل شغلي راح يكون على الجهاز يعني لأني طالبة دراسات عليا فأحتاج أبحث كثير..
وش تنصحوني فيه أي باد أو جلاكسي وإذا جلاكسي أي نوع؟
إذا كان فيه جهاز أفضل منهم بعد ياليت تعلموني؟
السعر مو مهم أهم شي أشتري جهاز يفيدني ما أبي أشتري شي وأتحسف عليه.
الله يجزى الي ترد علي خير ويرفع قدر الي تفرع الموضوع. :)