هذا استفساري ربي يرزق اللي ترد عليا باللي تتمناه عاجلا غير اجل

السلام عليكم ورحمة الله وبركاته

طبعا هذا اول موضوع ليا في هذا المنتدى على الرغم اني متابعه جيده لهذا المنتدى الرائع من زمان..

اخواتي اترددت كثير قبل اطرح موضوعي واستفساري لكن حبكم للخير ولاخواتكم ومساعدتكم لبعض حمسني بصراحه..

انا لي سنتين وكم شهر متزوجه وربنا ماكتبلي الحمل ((ربي لاتذرني فردا وانت خير الوارثين))

رحت للدكتوره ولقت انو عندي ارتفاع في هرمون الحليب اعطتني منظم له وبعد فتره رحت لدكتوره تانيه كشفت عليا وقالتلي انو الحمدلله الهرمون نزل للمعدل الطبيعي واعطتني كلوميد من تاني يوم للدوره لمدة 5 ايام مرتين في اليوم حبتين صباح وحبتين مسا..وقالتلي استمر على حبوب هرمون الحليب الين احمل بإذن الله..

وقالتلي تجيني اليوم ل13 من الدوره عشان تشوف التبويض..

بنات انا ما سألتها اش عندي بالظبط وقتها كنت تعبانه وابكي من الكشف اخدت منها الوصفه وخرجت

وجاتني الدوره واخدت الكلوميد..واللي خوفني انو اتوقفت الدوره في نفس اليوم اللي اخدت فيه الكلوميد يعني الدوره جاتني يومين بسس وانا دورتي 7 ايام هل هذا طبيعي والا لا؟؟

ومن يومها وانا اتصل على الدكتوره يردو عليا الاستقبال ويصرفوني وطبعا ما اقدر اروح لها تاني لاني سافرت للجبيل وللاسف ما اعرف دكتوره كويسه هنا..

بنات انا اللي راعبني موضوع الكشف بصراحه انا اموووووووووت من السونار مسويلي عقده موطبيعيه واجلس بعدها اسبوع مجروحه يمكن في ناس تقول ابالغ والله ما ابالغ يا اخواتي وهدا الموضوع مسببلي عقده..


سؤالي هل في ضرر لو فرضا مارحت وعملت متابعة تبويض في اليوم 13 من الدوره؟

لانو لو عملت المتابعه ماراح يكون في جماع لمدة اسبوع ولا راح استفيد من الدوا اللي اخدته!!

ففكرت اني ما اعمل متابعه..

اخواتي شيرو عليا الله يخليكم ولا تخلوني في حيرتي لحالي..
ربي ما يحرمني منكم يارب

وان شاء الله القى الردود اللي تبرد قلبي وتطمن بالي..

وسامحوني على التفصيل بس عشان يكون موضوعي واضح..

انتظر ردودكم ربي يرزقني واياكم بالذريه الصالحه عاجلاغير اجل يارب..