ماشاء الله تبارك الله
الله يهديهم للاسلام يااااااااااااااارب
والله يهنيك بالاجر
وجزاك الله كل خير

( ولئن يهدي الله بك رجلا واحدا غير لك من حمر النعم )

فيما معناه

السلام عليكم
المهم اتفقت اني امر عليها وتصدقو طلبت مني اني اجيبلها واحد حجاب معايه
المهم رحنا المسجد وكان الإمام سعودي بلغت زوجي وزوجي كلم الامام وكانت الخطبه عن الاسلام والمسلمين .
مره انبسطت والشي الحلو لمن بدانا الصلاة قامت تسوي وتصلي زينا ومره انبسطت ...
والله يابنات ماطلبت منها ولاشئ كانت كل جمعه تكلمني تقولي تعالي خذيني معاكي المسجد
المهم بدات اخدها دايما وخليتها علي راحتها سافرت السعوديه جبتلها هديه عبايه فيها قلوب عباره عن الوان العلم حقهم .... مره انبسطت من العبايه اصبحنا نتبادل الهدايه اعطيتها قران هديه باالنجليزي .
بدات تطلبني كتب من المسجد تخص الاسلام انا وزوجي مره ساعدناها في هذا الشئ في الكتب والافلام الاسلاميه .. المهم وفضلنا علي هذا الحال ماعمري اصريت عليها باالقوه لازم تتحجب ولا لازم تسوي اي شئ باالغصب والله يابنات خليتها براحتها مرررررررره . احتكت بالمسلمات وخليتها هي تسوي زينا مافرضنا عليها شئ لمن اتعلمت كل شئ كنت اساعدها بس من بعيد ماافرض عليها ولمن واحده تجي تكلمها اقوله حببوها في الاسلام لاتفرضو عليها اي شئ باالقوه .....
المهم طلبت انها تعرف زياده عن الاسلام واخدلها زوجي موعد مع الامام في المسجد انبسطت مررررررررره
اتقابلت معاه وكانت دايما معايه تشوفني ايش اسوي وفي الاخير طلبت مني اعلمها عربي ....
رحت وول مارت اشتريت سبوره واقلام وكنت دايما اعلمها ..... وجاء رمضان وصارت دايما معان في المسجد
وبعد رمضان قالتلي انا ابغي اكون مسلمه زيك ماتصدقوا مررررره فرحت اخذلها زوجي موعد مع الامام مره ثانيه وطلب منها تتعلم الشهاده ....
وطبعا جات عندي البيت وصرت اعلمها كيف تنطق الشهاده تخيلو ماشاء الله تبارك الله في بيتي .... وكنت ابكي من الفرحه وكانت تعيد بعدي الشهادة والحمدلله وقال الإمام هي الان تعتبر مسلمه باقي بس نعلنها علي الناس
والله يابنات مره فرحت وحمدت ربنا حمدا كثيرا والحمدلله والشكر لله الان اصبحت تلبس الحجاب ولا شي مايبان منها سبحان الله . اطلب من ربنا انه يثبتها يارررررررب
والحمدلله والله يكرمكم يابنات ياررررررررررررب

بارك الله فيك يامنيرة صحيح ان المؤمن مثل الغيث اينما حل نفع اسم على مسمى تنيرين حيثما تحلين اثابك الله ويليت البنات مثلك وهمتك مشتغلين بالخير وليس بتشويه الدين ونزع الحجاب والتعذير بان الاسلام ليس دين يصلح لهذا الزمان وانهم ينزعون الحجاب بكل سهوله حفظك الله

الثلاثينية : مرحبا بك يا أخيتي وتقبل منك الدعوات .

لاغربة مع الله : اللهم آمين .جزاك الله خيرا كثيرا .

حورية الارض : وإياك ، والله يهديهم يارب .

حلا حبيبي : الله أكبر ولله الحمد . هنيئا لك يا أخية وبورك منك هذا العمل .والله إني لأغبطك وأدعو الله تعالى أن ييسر لي مايسر لك ..كوني كذلك زهرة فواحة بالخير دائما ، واستمري مع هذه الأخت أثابك الله تعالى وبارك في صحتك ومالك وولدك ورزقك من فضله .

ليمونة بالنعاع : جزاك الله خيرا كثيرا ومرحبا بك أخيتي .

ريحانة التميمي : مرحبا بك أخيتي (اسمك وكلماتك تفتح النفس ) بارك الله فيك والله يهدي الجميع يارب .

ما شاء الله
الله يجزاك خير