هذا الكيك ولا أروع (( لذيذ لدرجة ...)) لا يفوتكم

بسم الله الرحمن الرحيم
السلام عليكم ورحمة الله وبركاته ..
انا عارفة اني طولت عليكم لكن انتو تعرفون مدارس وامتحانات فما في عندي
وقت ........ بس انا وايد اسفة .. ومثل ما وعدتكم انزل لكم طبخات حلوة ....
الحين اقدم لكم هذه الكيكه الرائعة اللذيذة انتو بس جربوها وخبروني ....
والله بتعجبكم وااااااايد ... لأنها فعلا ok ....وانا والله صورتها وخلصت
بس الوصله كان بدها تعريف .. وما قدرت اعرفها ولا كنت بنزلكم صور الروعة
وانشالله لما أعرفها بنزلكم الصور ....




المقادير :

1-2 كأس طحين
2-ثلثين كأس من الكاكاو
3-ربع ملعقة صغيرة بن (قهوة)
4-1 ملعقة صغير بكنج بودر
5-نصف ملعقة صغيرة كربون (كربونات الصودا)
6-نصف ملعقة صغيرة ملح
7-نصف كأس زبدة
8-1 ملعقة صغيرة فانيلا
9-واحد وثلث كأس سكر
10-2 بيض
11-4 ملاعق كبار حليب ناشف (نيدو)
12-1 كأس ماء
طريقة التحضير :
أولا : تأخذي مقدارمن الزبدة بمقدار نصف كأس وتذوبينه
على النار وعندما يذوب تضعينه في الكأس ثم تأتين بالسكر
وتضعينه في الخلاط ( الخلاط المفتوح . العجانة ) ( اذا ما
فهمتوا قولوا) وبعدين تجيبين الزبدة وتضعينها فوق السكر
وتشغلين الخلاط وتتركينها .........
ثانيا : وبعدين تجيبين الطحين والكاكاو والبن ( القهوة )
والكربون والملح والحليب الناشف ...
ثالثا : وبعدين هاي الأشياء طبعا بماقيدرها (حسب ما مكتوب
فوق ) وتنخلينهم ( اي تيبين هاي مال اللي ينخلون فيها )
كلهم وهاي عبارة عن الخلطة مال الكيك (الخلطة )
وتضعينهم على جنب ......
رابعا : بعد ما تخلصين النخل (الخلطة) تشوفين الزبدة والسكر
بيكونون ذابوا مع بعض يعني صارو زينين وبعدين توقفين
الخلاط وتجيبي البيض 2 بيض وتحطينا فوق السكر والزبدة
وتخلطينه وتحطين فوقه الفانيلا ...وبعدين شوي دقيقة يعني
تيبين كأس ماي وتحطينه فوقهم وتخلطينه شوي ..
خامسا : تبين الخلطة اللي سويتيها وتضعينها في الخلاط
وتخلطينها بس الرجاء ما تطولين وتحطين البكنج بودر
فوقها ولين ما تخلطينها بس ما تطولين توقفين الخلاط .
سادسا: تيبين القالب اللي تسوين في الكيك وتدهنيه بالزبدة
واالطحين وتضعين اللي في الخلاط في القالب ..
سابعا: تشغلين الفرن وتحمينه شوي لين ما يصير حامي شوي
تضعين الكيك في الفرن لمدة ساعة تقريبا وما تفتحين
الفرن ابدا ...... وبعدين تطلعين الكيكة ويا سلام
وتقديمنها وتزينيها وتقدمينها وبالهناء والشفاء ..